Tajug Gede Cilodong Ngajadikeun Ikon Anyar Wisata Purwakarta Seeur Kaunikan, Gratis?

Penulis : Muhamad Sarifudin  | Penyusun : Ilham Rafif Raditya

PURWAKARTA,- Tajug Gede Cilodong anu sok disebutkeun Masjid Agung nyaeta mangrupakeun ikon anyar di Purwakarta anu parehna di Jalan Raya Bungursari Kabupaten Purwakarta, ngabogaan kaunikan dibandingkeun masjid anu sejen.

Masjid anu diwangun luhureun taneuh saluas 10 hektare ngagaduhan karakter bangunan anu mirip masjid para walisongo, Masjid Tajug Gede oge ngagaduhan buruan anu kacida lega jeung lamun ditingali ti kajauhan Masjid Tajug Gede Cilodong katingal megah sarta diapit tilu menara nu luhur.

Nalika urang ningali kajero, nuansa tradisional ti masjid ieu sapertos urang balik ka zaman baheula deui kusabab teu aya kaca pisan di jero eta masjid, sagala jandela ditutup ku ukiran kayu jati motif kembang anu seeur liang tur endah ditingal, konsep ieu nurutan konsep sunda tradisional misalna sapertos ayana lampu -- lampu anu ngabentuk segi opat jeung lalangit masjid disusun ku design tradisional.

Biaya kanggo lebet ka Tajug Gede Cilodong henteu dipungut biaya alias GRATIS, naon wae si fasilitas sareng anu istimewa di Tajug Gede ieu ?

Pikeun Tempat Ibadah

Salain seeur unsur tradisionalna Tajug Gede sok dipake pikeun acara acara kaagamaan sapertos juma'ah, idul fitri, idul adha, oge dipake keur meriahkeun ulan taun baru islam, sareng anu sejenna.

Kanggo Tempat Istirahat

Tajug Gede Cilodong salain dipake pikeun Ibadah dipake oge kanggo tempat paranti istirahat, saur Pangalola DKM Tajug Gede nyarios "Mangga tiasa dipake kanggo kulem upami bade istirahat mah". 

Panggagas Tajug Gede H.Dedi Mulyadi nganyebatkeun masjid anu diwangun ti taun 2017 eta bakal diantep muka salami 24 jam non stop, saha wae anu lebet bakal disumanggakeun wae ku pangalola masjid tanpa kudu di cek ku sabab Masjid Tajug Gede ieu seeur petugas anu jaga di sabudereun masjid ditambih seeur kamera CCTV anu dipasang dina sudut sudut masjid.

"Saha wae tiasa lebet ka masjid moal dilarang ku sasaha. Teu kudu khawatir pikeun barang anu leungit jeung sajabana. Masjid ieu seeur pagamanana CCTV, Satpam, sarta Pangalola masjid anu sejen. Mun aya maling anu lebet kajero hartina pamarentah sareng pangalola masjid anu gagal pikeun ngasejahterakeun rahyatna." Saur kang Dedi Mulyadi.

Fasilitas Nyaman

Masjid Tajug Gede Cilodong ieu difasilitaskeun karpet model beludru anu tebel tur empuk. Karpet ieu nyumponan rasa nyaman kanggo jamaah anu bade ngalaksanakun ibadah shalat. Salain eta karpet masjid ieu dibentangkeun make kain warna bereum bodas. Filosofina nyaeta yen tiap jalmi tetep ibadah ka gusti Allah SWT tapi henteu khilaf kana Nagara Kesatuan Republik Indonesia (NKRI).

Salapan Beduk & Salapan Muadzin

https://asset.kompas.com/crops/er gambar

Kaunikan lain dina Tajug Gede Cilodong nyaeta ngagaduhan 9 bedug. Bedug ieu dilengkepkeun kentungan sareng dipukul sateacan azan dikawitan. Salapan bedug ieu di tempatkeun dina teras masjid nyaeta di belah ngidul masjid. Bedug anu utama disimpen di tengah. 

Lamun tos lebet kana waktu juma'ahan , salapan bedug dipukul sakaligus, saatos eta salapan muadzin ngumandangkeun adzan sacara babarengan, tangtosna para muadzin sareng anu mukul bedug na parantos dilatih. 

 

https://asset.kompas.com/crops/ut sumber gambar

 

Pangalola Tajug Gede H. Dedi Mulyadi nyebatkeun, angka 9 mangrupakeun angka pangluhurna. Angka 9 nyaeta simbol Wali Songo, penyebar Islam di Jawa salah sahiji na nyaeta Jawa Barat tina abad 14.

"Angka salapan pan angka nu pang luhurna. Abdi numutkeun tina kosmologi Wali anu Salapan (Wali Songo). Boh eta tina Khatib, Muadzin, sareng Imam didie nganggo pakean adat khas Sunda," saur kang Dedi Mulyadi salaku pangalola Tajug Gede.

 

Destinasi Wisata

 

Sonora.id

Tajug Gede Cilodong oge ngagaduhan potensi pikeun destinasi wisata. Seeur tempat anu narik perhatian masyarakat Purwakarta atawa luar kota Purwakarta kusabab aya Air Mancur anu janten daya  Tarik wisatawan, oge seeur lapak kuliner, olahraga, sareng sajabana. DKM Masjid Tajug Gede Cilodong nyangharapkeun fasilitas didie dikembangkeun deui supados kenging ngenalkeun Tajug Gede Cilodong Purwakarta ka Mancanagara.

Naon wa pikeun tulisan ngeunaan artikel ieu, kuring miharep aya mangpaatna pikeun anu maca ieu artikel, khususna anjeun anu rumaja di sakumna dunya.