Kabar wigati. Sugeng Rawuh dumateng Barack Obama. Menawi mboten wonten alangan satunggal lan sanesipun, dinten sonten Selasa legi puniko (9/11/2010) Presiden Amerika Serikat Barack Husein Obama ngawontenaken tindak jobo rangkah ing tlatah Jakarta Indonesia. Meniko pisawonan Obama ingkang sawau mboten kedaden, awit saderingipun sampun kaping kalih Obawa mboten marem ing penggalih amargi kahanan sakjroning ndalem Amerika Serikat.
Tamu agung ingkang kinormat saking negari “Lik Sam” (Uncle Sam) niku, salebetipun pisowonan kajadwal pinanggih Presiden Susilo Bambang Yudhoyono kapurih ngrembag hubungan Indonesia-Amerika Serikat supados munpangati kagem loro-loroning negari. Saking pinanggihan kekalihipun, kajangkah woro-woro paseduluran strategis, miwah tambahan nilai dol-dolan, mendem modal lan dum-duman teknologi.
Miturut duto ageng Indonesia kagem tlatah Amerika Serikat Dino Patti Djalal ing Kantor Presiden kolo kapengker (8/11/2010), pisowanan Presiden Barack Obama wonten Indonesia pancen sedelo, awit dinten Rebo pahing Obama mabur dateng Korea Kidul.
Hatta Rajasa, Menteri Koordinator ingkang bawahi ekonomi ugi ngarep-ngarep, pisowanan Barack Obama saget dados koco benggolo hubungan Indonesia lan Amerika Serikat. “Wonten pengarep-arep ingkang ageng kangge nglipetake nilai dol-dolan lan mendem modal kekalih negari. Ugi dum-duman teknologi,” jare Hatta Rajasa ing koran Kompas dinten Selasa (9/10/2010).
Wektu sajroning pisawonan wonten Indonesia, miturut jadwal, bar pinanggih SBY, Barack Obama dipun uri-uri mriksani Masjid Istiqlal, paring pidato wonten Universitas Indonesia, lan ziarah ing Taman Pesarean Pahlawan Kalibata.
***
Katah tiyang gadah penggalih pisowanan Obama saget mumpangati tumraping ekonomi Indonesia. Ananging kulo piyambak pesimis, awit Obama piyambak ing lebet ndalem Amerika Serikat kapentok-pentok ningkataken ekonominipun ingkang keblesek kolo kalih tahun kepengker.
Pratondo ekonomi ingkang dereng pulih puniko, kacermin saking gregetanipun rakyat Amerika wonten Pemilu Sela kagem milih anggota DPR dan Senator dinten-dinten kepengker. Partai Demokrat, partainipun Barack Obama, kalah telek kalian Partai Republik.
Lha wong ningkatke ekonomi negarane dewe isih tibo ngadek-tibo ngadeg, kok kapurih bantu ningkatake ekonomi negara liyane. Jenenge salah kedaden.... Opo tumon?
*****
Sumber Foto Ing Inggil: http://www.whitehouse.gov
Katrangan Foto: Presiden Amerika Serikat Barack Obama gatekke kang garwo Michelle Obama duk naliko nari kalian pelajar wonten Mumbai India 7 November 2010 (Jepretan mas Pete Souza, staf Gedong Petak).
Risalah puniko ugi tayang mboten dangu wonten http://dwikisetiyawan.wordpress.com
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
