(1)
bismilah jadi ngawitan
abdi bade sasastraan
mugi Allah ngawidian
sanajan ngan cacarakan
(2)
ngagunakeun basa Sunda
neraskeun lampah karuhun
kabisa saaya-aya
hapunten anu kasuhun
(3)
sisindiran nu digurat
carita hiji pamingpin
pamingpin ti Jawa Barat
(4)
Ka Cigudeg liwat Rumpin
moal reureuh najan cape
singgetanna Rachmat Yasin
Nya nelah Kang RY bae
(5)
Ngaji Yasin malem jumat
disuguhan kueh lemper
kang RY lahir ping opat
bulanna bulan November
(6)
ari bilanggan taunna
caritana mah sarebu
salapan ratus tambihna
jejeg genep puluh tilu
(7)
papagah ti indung bapa
ulah loba teuing ulin
ari jenengan ramana
saurna mah HM Yasin
(8)
buruan loba kembangna
angkrek, campaka, malati
dupi jenengan indungna
saurna mah Hajah Nuryati
(9)
ki santri diajar ngaji
jadi imam masjid agung
Kang RY teureuh kiai
nya Mama Basri Kadawung
(10)
Bojong Murni Bitungsari
desa-desa di Ciawi
Kang RY boga ciri
nyakola, nyunda, jeung nyantri
(11)
ka Parung rek meuli lele
ti Parung ka Tajurhalang
nya kitu lampah Kang RY
Nyiar elmu kajembaran
(12)
tolab elmu kawajiban
boh awewe boh lalaki
ngawitan di Sindang Barang
di SD Negeri Hiji
(13)
ngeunah pisan tahu tempe
kadaharan nu kasohor
lulus SD ka SMP
SMPN Opat Bogor
(14)
dagang temp di sakola
siap untung siap tekot
ti SMP ka SMA
SMAN Hiji Kota Bogor
(15)
bibilintik ti leuleutik
sampeureun pageto jaga
diajar elmu politik
ngampus di Unas Jakarta
(16)
galatik eunteup na bilik
di tegalan loba puyuh
ti leutik wawuh politik
nurun ti nu jadi sepuh
(17)
tanah Sunda beunghar cai
nya di lembur nya di kota
ngahiji santri kiai
ormas Nahdatul Ulama
(18)
desa-desa Bojonggede
Ragajaya Bojongbaru
Kulawarga Akang RY
pinisepuh tokoh NU
(19)
Sirnasari Pasir Tanjung
Tanjungsari nu kasohor
umur dua hiji taun
jadi imam Ansor Bogor
(20)
ti Ciherang ka Dramaga
Babakan jeung Neglasari
dipisepuh ku pamuda
ngokolakeun KNPI
(21)
kahade nginum narkoba
bahayana kana awak
RY kritis jaman Orba
bolay jadi wakil rakyatÂ
(22)
ti Bunar ka Tegallega
Cigudeg di Bogor kulon
pamungkas Orba ngawasa
RY jadi legislator
(23)
mere mah tong hese-hese
nu barutuh ditulungan
Ketua di Komisi C
ngokolakeun keuangan
(24)
kumaha lamun kasohor?
bisa mah tong memenakan
Ketua PPP Bogor
Malah ngaduakalian
(25)
di Jasinga aya Sipak
najan leutik tapi hade
taun dua rbu opat
nya Ketua DPRD
(26)
Batulayang Leuwimalang
Cisarua nu kasohor
nya dua rebu dalapan
Kang RY Bupati Bogor
(27)
Cibunian Purwabakti
Pasarean CiasmaraÂ
Munggaran jadi bupati
wakilna Kang Karfat tea Â
(28)
ti Cijujung ka Cikeas
Cibanon jeung SukataniÂ
dua rebu tilu belas
RY teh bupati deui
(29)
Tangkil, Ciderum, Cimande
Ciherang jeung Pancawati
Bupatina Akang RY
Disarengan ku Bu Yanti
(30)
ka Banten abdi ka Banten
ti Banten ka Panaitan
hapunten abdi hapunten
Bisi aya kalepatan
Bogor, 2013
