DIRGAHAYU POLRI
Tanggal 1 Juli, dino bersejarah kanggo bapak ibu polisi
Saben tahun diperingati minangka dina ambal warsane aparat penegak hukum, penjaga keamanan lan ketertiban
Jargon andalane "kami siap melayani Anda"
Nduwe tanggung jawab wigati
Supaya negeri iki aman terkendali
Penjenengan ngerti?
Musuh negara iki
Korupsi, dampak globalisasi, isu pluralisasi lan masalah cilik kayadene polusi
Wis dadi tugas pokok fungsine bapak ibu polisi
Supaya Indonesia iki ora mbalik kayadene zaman kolonialisasi
Nanging 1 Juli iki
Nalika yuswane POLRI 71
Ono kabar ora prayogi
Oknum masyarakat wis wani
Ngidak idak marwah bapak ibu polisi
Kedadean ing Mapolda Sumatera Utara wingi
Lan Jakarta mau bengi
Sansaya ngrusak kahanan negeri iki
Nambah nambahi perkara lan pikiran para ulil amri
Tak kira, para oknum kuwi
Minoritas sing wedi
Ora bisa urip ing kahanan saiki
Mbalela marang kodrat Illahi Robbi
Yen sejatine opo wae sing wis dipandegani dening founding fathers kudu diuri-uri
Ora dirusak, opo meneh dicaci maki
Ing 1 Juli iki
Monggo sami memuji maring Gusti kang murbeng dumadi
Supaya bangsa Indonesia tetep nyawiji
DIRGAHAYU POLRI 71
NGETAN NGULON
Wingi bali ngetan, saiki mangkat ngulon
Ora biasane ngetan ngulon, setahun pindo wis cukup
Nanging saiki mangkat ngulon, sesuk bali ngetan meneh
Kabeh dilakoni kanthi ikhlas
Supaya sesuk bali ngetan, sangu ilmu sing berkah, iso nggawe bapak ibu bungah
Wis tak cukupke geguritanku iki, mugi-mugi Gusti mberkahi lakuku ngetan ngulon
PANTES-ORA PANTES
Wis pantes durung dadi cagub-cawagub? Hehe
Pantes lan ora pantes awake dewe sing nentokake
Kabeh kuwi pilihan
Milih dadi pantes opo ora pantes
Semono uga ing wulan suci iki
Milih posone dadi berkah amarga sregep ibadah wajib lan sunah
Opo milih posone mung oleh ngempet ora mangan lan ora ngombe
Pilihen seng endi?
NGAREP-MBURI
Biasane nek upacara/apel ning lapangan parade mesti ning mburi barisan
Ora melu baris, ngetutke mburine barisan
Dadi nek gatel iso garuk2
Nek kesel iso istirahat kuda
Nek ngantuk iso ngobahke awak
Nanging ora kuwi, ning mburi kuwi tut wuri handayani
Ngekei daya utawa kekuatan, dorongan, semangat, motivasi
Nalika upacara kaya foto ning nduwur kae, pisan2 dadi danton utawa pimpinan barisan
Yo mumpung jek nganggo talikur
Mumpung nganggo PDU
Mumpung ono kamera
Danton kuwi ning ngarepe barisan
Ning ngarep tegese ing ngarsa sung tuladha
Dadi contoh, teladan, wong sing dianut, ditiru lan digugu
Dadi ning mburi utawa ning ngarep kuwi pada angele
Angel aweh motivasiÂ
Apa maneh dadi contoh, tambah angel
Jebul luwih angel maneh nulis nganggo basa jawa
PARIPURNANE RAMADHAN
Wis khatam ping piro mas?
Aduh, ping piro yo
Piye sholat sunahe mas? Sholat wengine piye? Sholat wajibe bolong2 ora?
Bakal cilaka wong sing ora oleh maghfirah ing sasi poso
Duh Gusti, mugi-mugi saget pinanggki ih ramadhan tahun ngajeng
InsyaAllah, pertanyaan2 nduwur mau bisa kejawab ing ramadhan tahun ngarep
Taqobbalallahu minna waminkum
Sedaya lepat nyuwun agunging pangaksami
PARIPURNANE RAMADHAN (2)
Sakwise poso sesasi
Bakal ono wektune
Wong islam podo mengeti dino agung
Idul fitri utawa riyaya
Wis klewat wancine
Saiki wae wis H+4
Kupat sing jarene simbol ngaku lepat
Wis podo entek
Salam-salaman sing dipercoyo iso nggugurke doso
Wis jarang dilakoni
Wong-wong sing wingi podo mudik
Wis siap-siap balik menyang kota
Banjur bakal ono arus urbanisasi sing lagi rame diujarake ing berita-berita tv
Penduduk usia kerja bakal ngundi nasib ing kota
Supaya oleh gawean sing iso kanggo nyukupi sandang pangane
Sejatine, sakwise ditempa ing sasi poso wingi
Kudu lahir wong-wong sing tambah kabecikane
Tambah sregep ibadahe
Tambah mempeng sinaune
Tambah bagus akhlake
Tambah sing apik-apik pokoke
Nanging, isih eling to ono markas polda diserang
Ono polisi ilang nyawane wektu iku
Isu-isu teroris muncul me
neh
Padahal bar nglakoni poso lho
Kok iseh wani koyo ngono
Piye ngene iki?