Sales Tanah Kuburan

Dengan muka yang udah keliatan kesal, Babe berkata,"Eh Tong, gue mau tanya nih ye, sebenernye lu ke sini mau ngapain sih? Lu datengnye ngagetin gue, trus lu ngomong kaga jelas, banyak basa-basi! Gue tetep kaga ngarti! Dari kopi gue panas ampe tuh kopi dingin, dari kopi gue rasanye enak sampe rasanye jadi pait, gue kaga ngarti maksud lu!Sekarang gue minta, lu jelasin sejelas-jelasnye, lu mau nawarin ape ame gue?Kalo gue masih kaga ngarti juga, lu bakalan gue usir! Cepet, jelasin!" Laki-laki itu menarik nafas dan mulai menjelaskan,"Ya Alloh,Be. 

Jangan galak-galak ngapa! Jadi begini,Be. Aye ke sini mau nawarin...tanah kuburan,Be!" Berbarengan dengan itu, Babe Mamat ngucap Istiqfar,"Astaqfirullah! Ape lu kate? Taneh kuburan? Madikipe! Lu nyumpahin gue cepet mati?"Babe Mamat lansung berdiri dan tolak pinggang. Laki-laki itu ikut berdiri tapi dia jadi ngeri melihat Babe marah."Bukan begitu,Be!Aye cuma mau jualan.Kalo babe minat Alhamdulillah, kalo kaga..,ye ga pape! Namanye aye usaha,Be!" Babe diam sambil mandangin laki-laki itu, kemudian,"Gue tau lu lagi jualan, gue ngarti lu lagi usahe, tapi ngape pake jualan taneh kuburan? Emang kaga ade ape barang laen yang bisa lu jual?"Laki-laki itu tersenyum lalu menjawab,"Be, udeh banyak yang pesen! 

Orang beduit udeh pade nyiapin kuburannye. Banyak yang berpikir kalo kuburannye bagus, yang jiaroh kan jadi enak!"Babe Mamat mengerutkan keningnya dan berkata,"Muke gile! Ngape mikirin yang jiaroh?Yang jiaroh entu masih idup! Pikirin tuh nasibnye di dalem kuburan! Disikse kaga?Eh gue ingetin ame lu ye, jangan lu kire kalo lu mati trus di kuburin di tempat yang mahal, trus tuh malaikat jadi ga enak ati mau nyikse lu! 

Malaikat kaga kaya manusia di dunie yang bisa hormat kalo ame orang kaye! Malaikat kaga bise di sogok! Kalo emang tuh orang jahat, tuh orang suka hianat,tuh orang zolim ama orang, tetep disikse!Kalo perlu, malaikat kaga pake nanya-nanya, langsung masukin ke nerake! Jadi darah tinggi nih gue ngedenger penjelasan lu!" Laki-laki itu mengelap keringetnya yang membasahi keningnya. Tapi dia pantang menyerah, dia melanjutkan,"Jadi gimane nih,Be?Tertarik kaga?"Mendengar pertanyaan itu, Babe Mamat langsung melotot dan berkata,"Kagak!!Sekarang lu pegi dari rumah gue!Cepet!Sebelom gue tumbuh taring dan sebelom kuping lu pindah ke jidat!Cepet pegi!!" Laki-laki itu langsung ngibrit meninggalkan rumah Babe Mamat. Terlihat Babe menarik nafas dan menggelengkan kepalanya lalu menggerutu,"Ya Allah, ade-ade aje orang jaman sekarang! Mending gue mandi biar kepale gue dingin!" Lalu Babe Mamat masuk ke dalam rumahnya.