Sura, suran. Mula bukane saka petung pranata mangsa. Titenane wong tani, sak jroning ngolah bantala minangka tandha tetanen kang mulya.
Jaman semana, sak bubaring kalender Saka, pas tanggal 1 Muharam 1043 Hijriyah ana owah-owahan kalender maneh. Dina Jumat Legi, tanggal 8 Juli 1633, Sultan Agung Hanyakrakusuma ngowahi petungan kalender. Kawiwitan Sasi Sura, dipungkasi Sasi Besar. Kanggone priyayi mbiyen, menawa 1 Sura tiba pas dina Sabtu, iku pratandha udan wis arang-arang, sinebut Tumpak Menda.
Kanggone wong Jawa kuna ndisik, urip iku kudu selaras serasi lan seimbang. Ora niru godhong garing sing kumleyang, urip digawe ampang. Hakikate, rasa iku ora tau mati. Aluwung nyawang kahanan, kanthi patrap kang temen.
Aja mung seneng nggawe gara-gara. Iku nglanggar fitrah alam, lan ngrusak ayeming kahanan. Luwih becik menep. Eneng, ening, lan unong. Layap-layaping aluyup.
Tanggal siji Sura. Warsa enggal, muga nafsu ora mbedhal-mbedhal.
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
