Turune Wong Puasa Ibadah

Angger wulan puasa mesti wong-wong akeh sing apal dalile wong turu nang wulan puasa. Dalile "turune wong puasa kuwe ibadah". Mbuh bener mbuh ora tapi mesti akeh-akehe yen wulan puasa pada turu. Bar Subuhan turu sampe awan tekan Dhuhur, bar Dhuhur turu maning tekan sore, tekan Ashar, bar Asharan nembe melek tolih mlaku-mlaku nggolet nging. 

Yen wis nging, tolih buka puasa, bar kuwe sholat maghrib, nembe mangan kolok gedang, es campur lan lia-liane sampe sholat Isya karo Tarawih. Bar kuwe dilanjut mangan sing tesih ana dipangani kabeh sampe wareg tolih turu. Wayahe sahur tangi, terus mangan sahur, sholat Subuh, turu maning. Bolak-balik kaya kuwe selama sak wulan. Ujug-ujug wis badanan, nganggo klambi anyar, sarung anyar, peci anyar, kudung anyar, lan sandal anyar. 

"Daripada puasa yen awan melek tolih maksiat, malah olih dosa, puasane pahalane ora diterima, mending turu bae ya cung" jarene Simbah. 

Sing durung turu, hayo turu. Sing wis turu, hayo melek.

Selamat nglakoni puasa ya cung

salam.