Wujude keyboard Ngayogyan font Aksara Jawa SNI ing perangkat handphone kaya mangkene:
Panganggone medhia Ngayogyan font diajab bisa nggampangake para siswa sajrone piwulangan latian nulis ukara aksara Jawa. Sasuwene iki kagiyatan nulis ukara mawa aksara Jawa kerep dianggep angel tumrap para siswa. Inovasi piwulangan kanthi nggunakake medhia digital kang kagolong anyar umume bakal luwih nyenengake lan uga luwih narik kawigatene para siswa, saengga motivasi siswa uga bakal melu mundhak kanggo nyinaoni nulis ukara migunakake aksara Jawa.
Panggunakane medhia Ngayogyan font bisa dadi cara praktis medhia piwulangan sajrone sinau basa Jawa kanggo ngundhakake prestasi lan nggayuh tujuwan piwulangan.
Panggunakake medhia Ngayogyan font dikarepake bisa ndadekake siswa luwih kadudut kawigatene marang basa Jawa lan nggawe kaanan sinau luwih nyenengake saengga nggampangake siswa sajrone nyinaoni basa Jawa.
