Bagi Ane, Nulis Hanyalah Buang Sial

Lah iye, ngapain nulis pake baper segale. Tokoh policik pujaannye dikritik sewot, parpol tempatnye ngendon diobrolin karena gak becus langsung mleduk, artis idolanye digosipin ngamuk ngamuk. Terus biar dapet ape coba? Emang kalo udeh ngamuk ngamuk terus marah marah ampe hampir gablek motif jahat terus ente bakal dihadiahi predikat kompasianer of the year getooo?.

Nulis dimari buat ane serupa buang sial doang. Entah kesialan dunia nyata beserta faktanye yang menyesakkan maupun kesialan tentang perjalanan cerita idup ane yang naek turun kayak kolor pelanggan Dolly. Karena kesialan kesialan bagi ane adalah inspirasi, namun bukan berarti kesialan musti dicreate ato dicipta karena kesialan ntu erat persodaraannye ame yang namenye APES. Tau apes gak? Ntu tuh, apem item dipakein gula trus diemut dah. Daptar dimari gratis, nulis sepuasnye, mau gablek akun ampe ceban juga kagak dilarang. Apelagi coba?.

Nikmat manelagi yang coba engkau dustaken wahai kompasianer baper?

Saking bebasnye nulis and ngocol dimari, ampe ampe urusan pribadi kadang pade digelar dimari. Berasa ngadmin dimari embahnye kali yak yang mo dengerin curcol dari alayer alayer telat lebay. Udeh lebay, kadang masih minta doa doa sok tabah geto. Abis itu galau, tulisannye kagak diapresiasi ngambek, yang komen jarang misuh misuh, diapus ngadmin pidato tujuh hari tujuh malem kagak tidur matanye melotot nungguin tulisan protesnye digubris. Baper tingkat wasyuuuu...

Pelagi pas deket deket PELIkada, banyak buanget nongol akun akun baper jumpalitan di tulisan yang berbau PELIkada. Heran ane, kok sebegitu bapernye yak sama urusan yang kagak ngenyangin perut, kagak bikin orgasme, kagak bikin bikin sorga pindah ke rumeh. Wkwkwkwk. Why so serious bro sis ncang ncing nyak babeh. Nulis, komen, ngevote bebassss kagak ade paksaan, tapi inget, ilangin tuh baper ente ente pade biar kagak kena syndrom baru ngompasicum hyperparahlu.

Mending nulis yang asyik asyik aje, kagak bakal ngompasiana dicatet sama rokib akib kecuali ente pas waktunye ibadah ato ade urusan yang lebih penting kayak ngerawat emak yang udeh tua ditinggalin. Itu baru kebangetan.

Siana bakal tambah apes dan sial karena kesialan ane kumpulin dimari, liat aje ratingnye turun. Kalo gak karena kesialan ane ye udeh pasti konspirasi wahyudi ame remason, udeh jelas itu. HaHaHaHaHa

Salam Kereria...