Dening : k.ari mukti
Jajal tak takon,
Sapa sing wani nduweni keris
dadi waris tanpa rasa giris?
Jajal tak takon,
Neng ngendi papan dununge berkat
nalika donga mumbul dhuwur tumuju ing akhirat?
Mlaku samlaku tanpa ditata
Pitungan dina wis dadi muspra
nalika kabeh dianggep padha
Jamane wis bedha rasa
Ora kena diruda peksa
Kabudayan tuwa uga melu tuwuh ngrembaka
Saiki jamane wujud piranti teknologi
Kanggo nututi kang aran Revolusi Industri
Aja mung meneng ora gelem preduli
Ngangen-angen kahanan sing wis keri
Beri Komentar
Belum ada komentar. Jadilah yang pertama untuk memberikan komentar!