Aku dudu sapa sapa
Uga dudu apa apa
Aku ana merga karsaning Gusti
kang murbaning dumadi
Aku ngumbara ing alam donya
sakmadya kanggo urip sanyata
Saben dina tansah ngupaya upa
dudu makarya kanggo donya brana
Sadulurku kabeh manungsa sapadha-padha
sing tansah sih sutrisna datan gawe cidra
Iku kang bisa dadi sinarawedi
Tumancep sajroning ati
Aku pancen ala ing rupa
Mula ora ana sing gelem nyapa
apa maneh teka mara
sanajan wae mung sedela
Rina wengi tansah dedonga
nyuwun Gusti Kang Maha Kuwasa
uga ngranggeh ginayuh nyawiji
sungkem ing astane Ibu Pertiwi
Muga kabeh tansah sumadya
Ing lesan lan jiwaraga
Tansah mangayu bagya
Satemah kanggo kita sadaya
Follow Instagram @kompasianacom juga Tiktok @kompasiana biar nggak ketinggalan event seru komunitas dan tips dapat cuan dari Kompasiana
Baca juga cerita inspiratif langsung dari smartphone kamu dengan bergabung di WhatsApp Channel Kompasiana di SINI
