Methik srikaya ing tegalan wis ati-ati kok ya tiba gedebuk
Iki riyaya ya dina lebaran ra isa silaturahmi merga ana pageblug
Yen santen kuwi parutan kelapa, godhong kelapa arane blarak
Nyuwun ngapunten kelapatan kula, mboten usah jagong mula mboten usah pinarak
Tuku janur digawe kupat tuku ketan digawe serabi
Para sedulur yen ana sing lepat aja pisan-pisan digawa ing ati
Tape sega rasa kecut tambah gula kok tetep ora legi
Aja gela aja methuthut iki riyaya kudu dimarsudi
Sega jagung wis disuguhna lawuh iwak pitik kok mung siji
Barang wis kadhung aja ngersula yen mudik bakal dicegat pulisi
Golek nener ing pinggir segara lungguh suket digawe karo sila
Sedherek Kompasianer kula nyuwun duka namung saged kirim donga
0 0 0
Piye maneh yen pancen kahanane kaya ngene, ora perlu nyalahake liyan. Sing penting saiki padha marsudi supaya enggal bali kaya asale. Wis muga wae kabeh padha slamet lan tansah amemuji kaluhuraning Gusti Kang Maha Asih.
Mugi sedaya tansah rahayu basuki tebih saking corona.
Rahayu...rahayu...
