Dua Jiwa Tarika

AMBON, 15 JUNI 2021 -  PUKUL 18.04 | ANGEL M. SIAHAYA

Untuk Fiero Siahaya dan Freddo Siahaya

Dua jiwa su tarika lama dalam diri

Sama-sama bertumbuh

Empati su pasti malakat tinggi

Tabiasa bersama sampe seng bisa tapisah

Dua jiwa su tarika lama deng keramaian

Sunyi pukul langsung tado

Mau memberontak itu pasti ada dalam pikiran

Mar tetap tado karna hati lombo

Dua jiwa su tarika lama deng Bapa

Tangan Bapa kadang jadi rotan par katong

Mar seng bisa parlente, tangan bapa selalu tongka katong dalam doa

Bae-bae di Ambon,  rindu par Bapa seng pernah abis dari katong

Dua jiwa su tarika lama deng Mama

Mama pung cinta paleng kuat seng ada yang lawan

Jadi sombar basar dalam hidop katong dua

Rela jadi abu, asal katong jadi unggun