Ngeyup

Bejo ora kinara mou esuk wae padang njingglang sunare srengenge cerah lha kok awan iki peteng riwis-riwis udan maneh.

"nggowo payung opo mantrol jas udan" elengi adik marang aku.

"yo" jawabku ning kok yo lali ora kegawo padahal wes tak siapake neng mejo tamu.

"kudanan yo mas?" wa bojoku semu ngenyek aku.

"iyo iki mlipir warung disek"  jawabku

"ah ..ngeyel..to njenengan?" semu nyindir aku.

"ngenteni udan ben leren ngko" jawabku enteng.

"alesan" jawabe karo mateni Wa ne.

Aku yo ora nyono iseh ana udan ing mangsa ketiga ngene, angot-angotan akeh panase neng ugo sok dadakan udan ngene aneh cuacane maklum iki opo sik jenenge perubahan iklim global yo mengaruhi kahanan cuaca neng kene.

Lagi wae ngeyup ugo ono sik ngeyup ugo anak lan biyunge sajake ugo ora ngowo payung anake prembik-prembik arep nangis.

"buk aku iseh kangen bapak " omonge bocah cilik mou.

"bapak wes seneng karo tante shinta awake dhewe mik tamu nduk" ibune ngerih-ngerih, aku semu krungu suarane kang kesilep suara udan deres awan iki.

"ngiyup sikik nduk" rayune simboke

"ora mbo aku arep melu bapak wae" tangise ndadi.

"ngeyup riyen mba" usulku

Sakeloron ngeyup mbasan dibuka helme aku lagi ngerti sopo dheweke.

"Tin kowe to?" aku kaget

"yo mas" jawabe lirih

"ngopo anakmu?" takonku

"rewel arep melu bapake" jawabe soyo marai aku pengen ngerti.

"nendi bojomu tin?" takonku

"kecantol rando penyanyi campursari" jawabe semu sedih

'iki mou?" takonku

"yo njaluk "gaji" bulanan karo mantanku mas" jawabe sedih aku ndelok anake ngantuk senderan neng bahune aku ngerti rasane bocah mou karo ibune tak jaluke kopi susu lan kelorene seneng karo gedhang goreng pacitane.

"mas sido karo mba Win?" takone

"karepku karo koe ndisike" alokku

"oleh kok iki ono lowongan " jawabe enteng.

"win yo koyo koe tin mlayu karo sik bagus lan sugih" jawabku.

"ora ngenyek mas, bojoku bagus neng ceweke okeh malah kepincut penyanyi aku dipegat" cerita  ngawe trenyuh atiku.

Udan awan iki ora kenyana nek ketemu mantan pacarku ndisik ora nyana tenan!.

"mas saiki bojomu sopo mas?" takone meneh.

"durung nduwe" jawabku ngapusi dheweke ora kenyana adikku telpon.

"mas ojo lali tukokake sate kelinci pojok wates kae " tut tut njur ditutup.

"bojomu mas?" aku meneng wae.

"gelem po?" takonku

"opo?"jawabe tin

"tak pek bojo neng..."rayuku

"neng opo?"takone

"dadi bojo keloro?"jawabanku

"opo????" semu kaget.

"gelem po?" takonku

'"oraaaa..." jawabe tini

#ngeyup

Ngeyup

:al-sayyid jumianto