Wedhang Jahe: Wedhang Tradisional Khas Jawa

        Wedhang jahe yaiku hidangan wedhang sari jahe tradhisional saka laladan jawa tengah, ing yogyakarta lan jawa wetan, indonesia  kang kondhang karo rasa pedhes lan anget saka jahe. Tembung "wedhang" kuwi asale saka basa Jawa kang tegese "minuman", lan "jahe" iku rempah-rempah kang asring dienggo ing masakan lan minuman ing Indonesia. Wedhang jahe asring disuguhake pas cuaca adem utawa nalika ana wong rumangsa kurang enak badan, amarga dipercaya nduweni manfaat kesehatan kang luar biasa.

       Wedhang jahe wis ana wiwit mbiyen lan dadi bagian saka tradisi kuliner Jawa. Minuman iki biasane disuguhake ing acara-acara keluarga, upacara adat, lan uga minangka sajian saben dina. Senajan wedang jahe asalé saka Jawa, minuman iki saiki kondhang ing sak Indonesia lan gampang ditemokake ing pasar tradisional utawa warung-warung minuman.

      Bahan utama wedhang jahe yaiku jahe seger, gula merah, lan banyu. Sawetara resep uga nambahaké rempah-rempah liyane kaya kayu manis, serai, lan cengkeh kanggo menehi aroma lan rasa kang luwih kaya. Ing ngisor iki cara sederhana kanggo gawé wedhang jahe:

Bahan:

- 100 gram jahe seger, dimemarkan

- 1 liter banyu

- 100 gram gula pasir, disisir halus

- 2 batang serai, dimemarkan

Cara Gawé:

1. Godhog banyu ing panci.

2. Lebokaké jahe lan serai menyang banyu kang wis mendidih.

3. Godhog nganti udakara 15-20 menit nganti banyu owah warna lan aroma jahe kecium kuat.

4. Tambahké gula pasir lan aduk nganti larut.

5. Angkat lan saring wedhang jahe menyang gelas.

6. Suguhaké anget.

        Wedhang jahe ora mung nikmat, nanging uga nduwèni manéka manfaat kesehatan. Jahe dikenal nduwèni sipat anti-inflamasi lan antioksidan kang kuat. Ing ngisor iki sawetara manfaat kesehatan saka wedhang jahe:

1. Ngangetaké Awak: 

Jahe nduwèni efek termogenik kang bisa nambah suhu awak lan nggawe awak krasa anget.

2. Ngedhunaké Masuk Angin: 

Kandhungan jahe ing wedhang jahe bisa mbantu ngedhunaké gejala masuk angin kaya kembung lan mual.

3. Ngurangi Nyeri Otot:

Sipat anti-inflamasi jahe bisa mbantu ngurangi nyeri otot lan sendi.

4. Ningkataké Pencernaan: 

Jahe uga dikenal bisa ngrangsang enzim pencernaan lan mbantu proses pencernaan. Panaliten ing bidang gastroenterologi nyatakake, ekstrak jahe kang diwènèhaké marang pasien kanthi penyakit lambung, kaya dispepsia, bisa mbantu pengosongan lambung lan pangeluaran gas.

       Suwe-suwe, variasi wedhang jahe wiwit muncul kanggo nyesuaiké karo selera lan kebutuhan. Sawetara variasi kang kondhang antara liya:

- Wedhang Jahe Susu:

Penambahan susu kental manis menyang wedang jahe kanggo rasa kang luwih kaya lan krimi.

- Wedhang Jahe Lemon: 

Tambahan perasan lemon menehi rasa seger lan manfaat vitamin C.

- Wedhang Jahe Rempah:

Penambahan luwih akeh rempah kaya kayu manis, kapulaga, lan pala kanggo rasa kang luwih komplek.

      Wedhang jahe iku wedhang tradisional kang ora mung lezat nanging uga kaya manfaat kesehatan. Kanthi bahan kang gampang ditemokake lan cara gawé kang sederhana, minuman iki tetep dadi pilihan favorit akeh wong, utamane pas cuaca adhem utawa nalika butuh kehangatan tambahan. Saliyane kuwi, manéka variasi wedhang jahe kang ana nggawe minuman iki fleksibel lan bisa dinikmati déning manéka kalangan. Dadi, ora ana salahe nyoba gawe wedhang jahe ing omah lan nikmati khasiate.

sumber: https://dinkes.jogjaprov.go.id/berita/detail/amankah-minum-wedang-jahe-setiap-hari