pantoen Atjeh;
Jroeh meupeulitek dengen dame
by: Muhammad Aiyub.
Wahe e rakan lon yang mutuwah
keunoe neulangkah ka loen leung tika
tika suke dhiet silupah
nyan kupi lam glah neu nikmati saja
nyan bek tuwo baca bismillah
supaya kupi berkah tanyoe meupahla
myo kaleuh neu jip kupi dalam glah
deungo lon kisah na bacut haba
haba lam naggroe rakan mutuwah
lon keuneuk peugah bacut ngen gata
bha'h peulitek loen keuneuk kisah
myo bha'h bukulah bah lain kali saja
cit harus meunan wahe e teungku
jih harus ta ue kiban suasana
jinoe peulitek kamulai lom panaih
parlok ngen parnaih ka siap siaga
meunan keuh ta eu lam 2 minggu yang leupah
nyoe yang perlee bacut tapeugah wahe syedara
wahe syedara lon yang budiman
inong ngen agama tuha ngen muda
bek sampe ngen politek putoh persaudaraan
bek sampe parte tan saban tanyoe meudawa
geutanyoe Aceh ureung islam
bek le tameuprang sabe saudara
peu lom gara2 peulitek bak reboet jabatan
tatem hantam menghantam sabe syedara
Myo geutanyoe beda pilehan
biasa hai taulan lam naggroe gob pihna
tapi myo sampe tanyoe saleng menghantam
nyan hai rakan ken buet mulia
walaupun lam peulitek lethat dum syetan
le that godaan memacam rupa
bek sampe tanyoe tapeubloe iman
karena mandumnyan cit sementara
kota padang tiji bak belok jalan
tangse hai rakan indah lagoina
meupeulitek yang jroeh wahe e taulan
jaga kedamaian yang ka terbina
myo na masalah selesaikan ngen kelembutan
bek ngen kekerasan neuselesaikan peukara
neu ingat bacut jasa pahlawan
yang kalheuh berjuang bak peutheun bangsa
nyawoeng ngen harta mandum keserahkan
ingat hai rakan jasa syuhada
bek cok peurangui yang na bak syetan
dipeupeupake sipulen dengen sipulan
nyan keuh buet syetan si umu masa
uroe ngen malam ditebarkan permusuhan
nyankeuh buet syetan asoe nuraka
meugah di dubai na geudong manyang
meugah di jeupang ngen hiroshima
peu peu tapeubuet wahee e rakan
ingat hai rakan peu Allah ridha?
tajak u meulaboh ta lewat calang
tajak u medan ta lewat langsa
etnoe keuh dilee dari loen tuwan
mudah mudahan beuna keuh guna
mungken na tuto kureung berkenan
neupeumeuah rijang bek jeut keudoesa
ampon lon lakee keudeh Bak Tuhan
mudah-mudahan tanyoe tameng syuruga
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H
