Gadih Nan Berani
Di Padang Tarok, Sumatera Barat hiduiklah laki jo bini. Rajo Babandiang jo Sadun Saribai. Inyo tingga basamo ka duo anaknyo di sebuah rumah di hilie Sungai Batang Agam. Anak nan gadang gadih cantik banamo Sabai nan Aluih, sedang anak yang ketek, urang mudo tampan banamo Mangkutak Alam. Walau lahia samo gadang di dalam keluarga nan samo, duo saudara iko mempunyai sifat nan barubuik. Mangkutak iko urang nan malas. Karajo sajo sehari-hari hanyolah bagara layang-layang, sehingga kulitnyo jadi hitam karano sinar matoari. Seementara Sabai nan Aluih gadih cantik nan rajin bantu-bantu ibunyo, salalu isikan waktu luangnyo kegiataan nan bermanfaat. Sasuai jo namonyo Sabai nan Aluih (sabai nan haluih). Inyo budi pekerti luhur, santun, hormat kapado nan tuo. Indak heran kalau sado urang suko samo Sabai. Perangai Sabai nan Aluih ko tadanga sampai ka kampung lain. Suatu hari, kaba tentang kecantikannyo sampai ka talingo kawan baik ayahnyo nan ramo Rajo nan Panjang. Inyo saudagar kayo nan lah llamo merantau ka kampuang Situjuh. Inyo disegani jo dihormati oleh masyarakat kampuang Situjuh, karano mempunyai tigo pengawal nan hebat, yaitu Rajo nan Konkong, lompong Bertuah, jo Palimo Banda Dalam. Tapi, Rajo nan panjang iko saudagar kayo nan kareh jo suko mamaras urang sakitar jo maminjam pitih jo bungonyo nan tinggi.
Sewaktu tahu sahabatnyo punyai anak gadih nan cantik jelita, Rajo nan Panjang kirim utusan untuak maminang Sabai nan Aluih. Inyo yakin Rajo Babandiang, sahabatnyo tu, pasti bakal satuju. “Wahai, pengawal! Ambo mengutus kalian ka Padang Tarak untuak manyampaian pinangan ambo ka anak gadih sahabat ambo, Sabai nan Aluih. Ambo yakin Rajo Babandiang tu sahabat ambo tu pasti senang mempunyai menantu kaya samo ambo!” seru Rajo nan panjang jo panuah percaya diri. Mandapek perintah tu, para pengawal tu pun barangkek ka Padang Tarak. Sampai di Padang Tarak, mereka pun manyampaikan pinangan tuan mereka ka ayah Sabai nan Aluih. “kami adalah utusan Rajo nan Panjang dari kampuang Situjuh. Kadatangan kami ka mari untuak manyampaikan pinangan tuan kami ka Sabai nan Aluih, “kata saurang utusan.
“begini, tuan-tuan. Ambo indak maksud nio mengkecawakan hati sahabat ambo tu. Tolong sampaian permintaan maaf ambo kepado beliau bahwa ambo malu bamenantukan urang kayo nan samo umua nyo jo ambo,” kato Rajo Babandiang. Setelah mandapek jawekan penolakan dari Rajo Babandiang, para utusan tu pun segera kembali ka kampuang Situjuh untuak manyampaian barito ko kepado tuan nyo. Mandanga penolakan tu, rajo nan panjang maraso sangat terhina.
“Ah, bagak bana Pak Tuo tu! Maso indak nio bamenantukan urang kayo.”kato Rajo nan Panjang.
“maaf, Tuan! Apo nan haruih kito lakuan selanjutnyo?” tanyo saurang pengawalnyo.
“apo kito haruih memaksanyo. Tuan?”saurang pengawal lainnyo mengecek.
“jan dulu, pengawal! Ambo akan tibo surang ka sinan untuak malamar Sabai nan Aluih. Ambo yakin Rajo Babandiang indak akan manolak lai pinangan ambo. Pak tuo tu pasti tahu bahwa ambo ko urang gadang nan punyo anak buah nan hebat seperti kalian. “kato Rajo nan Panjang.
Akhirnyo, barangkeklah Rajo nan Panjang basamo katigo urang pengawalnyo. Rajo Babanding pun manarimo inyo dengan baik. Namun, hati beliau bakato bahwa sahabatnyo itu alah melanggar sopan santun karano meminang anak gadihnyo secara langsuang kepado beliau. Manuruik adat di nagari tu, pinangan indak buliah disampaikan langsuang kepado ayah si gadih, melainkan kepado mamak atau adiak kandung ibu si gadih tu. Sabanyo, Rajo Babandiang ingin langsuang menolak pinangan tu. Namun, beliau risau jikok pinangan tu langsuang ditolak, Rajo nan Panjang akan berang dan mangamuk. Rajo Babandiang akan sangat malu jikok pertengkaran tajadi di rumah beliau. Untuak itu, beliau pun mangajak Rajo nan Panjang untuak barundiang di lua rumah.
‘sahabat! Sebaiknyo kito barundiang di lua rumah sajo.” Ajak Rajo Babandiang. Rajo nan Panjang pun mengetahui bahwa pinangannyo kanai tolak secara haluih oleh ayah Sabai nan Aluih. Beliau sadar bahwa dirinyo ditantang untuk bataruang.
“Baiklah, kalau itu nan kau inginkan Rajo Babandiang. Tapi, di mano kito akan barundiang? “tanyo Rajo nan Panjang.
