“Kito barundiang di Padang Panahunan,” jawab Rajo Babanding.
“Bilo?” tanyo Rajo nan Panjang.
“bagaimano kalau hari ahad?” jawab Rajo Babanding.
“Baik, ambo setuju!” kato Rajo nan Panjang serayo bapamitan.
Setelah Rajo nan Panjang basamo para pengawalnyo pai maninggalkan rumah Rajo Babanding, tiba-tiba Sabai nan Aluih kalua dari biliknyo, lalu segera menghampiri ayah dan ibu nyo nan masih duduak di ruang tamu.
“Maaf Ayah! Sabai alah mandanga sado pembicaraan ayah jo Rajo nan Panjang. Jikok ayah barundiang jo sahabat ayah tu di tampek sepi, Sabai yakin bana akan tajadi perkelahian. Bukannyo begitu, Ayah?” tanyo Sabai nan Aluih.
“Bana, Anakku! Tapi, awak jan risau, ayah pasti bisa jago diri,”jawab ayah Sabai. Sejak tu, hati Sabai nan Aluih selalu gelisah mamikian keselamatan Ayahnyo. Pada malam harinyo, Sabai bamimpi buruak, lumbuang padi manjadi arang, kabau sakandang dicuri urang, dan ayah ternak disambar elang. Bagi Sabai, mimpinyo tu adalah pertando buruak bahwa ayahnyo akan cilako. Keesokan harinyo, inyo pun mancaritoan mimpinyo tu kepado ayahnyo untuang mancagah ayahnyo barundiang jo Rajo nan Panjang di Padang Panahunan.
“Ayah! Samalam Sabai bamimpi buruak. Sabai raso sebaiknyo ayah uruangkan niat ayah untuak basuo jo Rajo nan Panjang tu. Sabai risau akan tajadi sesuatu kepado ayah,” kato Sabai nan Aluih cameh.
“Anakku, Sabai! Mimpimu itu petanda baik. Lumbuang padi tabaka artinyo padi akan dipanen. Kabau hilang artinyo ternak kito akan batambah. Ayam disambar elang artinyo adiakmu Mangkutak akan dilamar urang,” bujuak Rajo Babandiang untuak menenangkan hati Sabai.
“Oh, Ayah! Kalau bana demikian, hati Sabai jadi tenang. Akan tetapi, jikok malapetaka nan manimpo, ka mana lagi kami akan bagantung.” Kato Sabai ibo
“Tenanglah, Anakku! Ayah lakukan semua ini demi mempertahankan harkat dan martabat keluarga kito. Ayah indak nio kehormatan keluarga kito tacoreng oleh Rajo nan Panjang nan angkuh dan sombong tu, “ kato Rajo Babandiang.
