Pada hari nan alah ditentukan pun tibo. Barangkeklah Rajo Babandiang ka Padang Panuhunan. Padang Panuhunan adalah tampek nan sepi dan dari dulu digunokan untuak balawan. Rajo Babandiang mambaok saurang pengawalnyo nan banamo Palimo Parang Tagok. Inyo mengajak pengawalnyo tu untuak bajago-jago jikok Rajo nan Panjang babuek curang. Seandainyo inyo tabunuah dalam pertarungan tasabuik, setidaknyo Palimo Parang Tagok dapek mamberi kaba kepado keluarganyo nan ado di rumah.
Saat inyo tibo di Padang Panahunan, tampak Rajo nan Panjang basamo saurang pengawal setianyo Palimo Banda Dalam alah emnunggu. Ruponyo Rajo nan Panjang sengajo datang labiah awal untuak mengatur siasat liciknyo. Inyo alah memerintahkan duo urang pengawal lainnyo Rajo nan Konkong dan Lompong Bertuah untuak basimbunyi di baliak semak-semak. Salah saurang di antaranyo membaok senapan. Senapan itu akan digunakan pada saat diparalukan.
Maliek kedatangan Rajo Babandiang basamo saurang pengawalnyo dari ka jauahan, Rajo nan Panjang bapasan kepado para pengawalnyo.
“Pengawal, ambo peringatkan kalian! Jan pandang remeh Rajo Babandiang! Kalian bukanlah lawannyo nan sebandiang. Bahati-hatilah! “ seru Rajo nan Panjang.
“Baik, Tua!”jawek para pengawalnyo.
Rajo Babandiang! dan pengawalnyo samakin mandakek ka arah Rajo nan Panjang. Katiko saling berhadapan, mereka pun saling manggertak,
“Hai, rajo Babandiang! ruponyo kau barani jou mangantarkan nyawamu kamari,” seru Rajo nan Panjang.
“Kito liek sajo nanti, sia di antaro kito nan akan mati talabiah dahulu.” Kato Rajo Babandiang dengan tenang.
“Ha ha Ha !! tentu sajo kaulah nan ka mati, Babandiang,”kato Rajo nan Panjang sambil galak tabahak-bahak.
“Majulaah kalau barani! Tantang Rajo Babandiang.”
Maliek tantangan itu, Palimo Banda Dalam tibo-tibo manyarang Rajo Babandiang dengan sabuah pukulan kareh. Rajo Babanding pun segera baliak menghindari pukulan itu dengan gesitnyo. Bakali-kali Palimo Banda Dalam manyarang, namun tak satu pun pukulannyo nan manyentuh tubuh Rajo Babanding. Maliek pengawalnyo nan mulai kalelahan, Rajo nan Panjang segera mambantu. Rajo Babanding pun manjadi marah karano dikeroyok. Jikok semula hanya bertahan, kini inyo baliak manyarang. Dengan sabuah pukulan kareh, inyo manyarang lambuang kanan Palimo Banda Dalam dan seketika itu pulo Palimo Banda Dalam jatuh tasungkur di tanah. Namun, tanpa diduganyo, tibo-tibo Lampong Bertuah manyarangnyo dari belakang.
