Pantun Aceh

Tapileh Pemimpin Bangsa

Deungen Bismillah Lon peuphon kalam
Pujoe keu Tuhan cit sidroe Rabbi
Seulaweut saleum ateuh janjongan
Pang ulee Alam Muhammad Nabi

Alim Ulama saleum lon sampoe
keupemimpin naggroe rakyat seuruta
nyang na digampong rata jeup sagoe
Agam ngen binoe Tuha ngen Muda

Pilkada Aceh Bacut tarawi
Lheuh perjanjian Helsinki
nyoekeuh kali keudua
kali keuphon bak 2006
Jinoe hai rakan katrok lom masa

Tapileh pemimpin beu get teliti
Beuhati hati bak tajok suara
pemimpin yang ade meunan e ummi
Yang tem peudeuli rakyat jeulata

Teuma oh lheuhnyan Wahe e rakan
Yang keng iman dengen agama
Nyang na Teuigat keusidroe Tuhan
Uroe ngen Malam Ingat Allah Ta'ala.

peu peu gepeubeut geuniet amal kebaikan
karena geubayang u nanggroe mahsya
Myo le salah brat thaht tanggongan
yoh watee geupeutimang rakyat lam donya

Kiban takalon ureung lageenyan
Denge hai rakat bacut lon buka rahsia
Rahasainyoe ken manyang-manyang
ken untuk paparan peumameh haba.

Yang phon rahasia bacut lon peutrang
takalon ruman peukeuh na meucahya
cahya iman meunan keuh rakan
watee tapandang leupie lam dada

myo muka meucahya lagi gleh ruman,
ureung toe ngen Tuhan seumeungeut hana
Geupeubuet Suroh peujuoh teugah
ingat keu Allah Sabe tiep masa

Meubek tapileh yang perurangui setan
Yang han tom sembahyang jioh ngen musalla
Keupeu sikula yang lupah manyang
myo disembahnyang kadang hantomna