Poe harita mah rohangan di warung kopi asa pinuh pisan, bari asa rame, bangun keur ngabahas “sesuatu” nu aktual kawasnamah. Ret kana patempatan nu biasa ku kuring saparakanca di tempatan, untung kosong keneh, gek we kuring saparakanca dariuk.
“Kiruh dua, busa dua” ceuk ceuk kuring bari ngagorowok ka pramusaji. Teu kungsi lila torojol pramusaji nyodorkeun baki nu eusina 2 kopi hideung jeung 2 espresso.
Hawar hawar ti meja sabeulah kadenge obrolan, singhoreng nu keur rame diobrolkeun teh masalah naekna gajih, pantesan atuh ari awal taunmah sok rada guyub. Sabot keur anteng ngarobrol ti lawang katingali abringan turun tina mobi dines, siganamah para pajabat pamarentahan, nu rek ngadon ngopi.
Singhoreng etateh rombongan nu keur di tunggu tunggu, pikeun jadi nara sumber dina dialog masalah nerekelna gajih. Hade pisan ieu warung kopi teh, make jeung aya acara kieu sagala, kuring saparakanca jadi kagok miluan we najan lain jadi peserta oge, nu pentingmah meunang kopi haratis....
Torolang salahsaurang ti pajabat ngamimitian obrolan. Mimiti ngobrolkeun undang undang tenaga kerja, kabutuhan, hirup, gaya hirup, antukan nepi ka masalah nerekelna gajih taun ieu. Ahirna eta nara sumber ngaluarkeun tabel perbandingan nerekelna gajih ti taun 2010 nepi ka 2012 pikeun wilayah Jawa Barat jeung DKI.
Propinsi Kabupaten Sektor 2010 2011 2012
DKI Jakarta Non Kabupaten Non Sektor 1118009 1290000 0
Jawa Barat Kabupaten Karawang Non Sektor 1111000 1159000 1269227
Kabupaten Purwakarta Non Sektor 890000 961200 1047500
Kabupaten Subang Non Sektor 746400 791200 8625000
Kota Bandung Non Sektor 1118000 1188435 1271625
Kabupaten Bandung Non Sektor 1060500 1123000 1223800
Kab. Bandung Barat Non Sektor 1105225 1175959 1236991
Tah kitu geningan bewara ti wakil pamarentah ngeunaan nerekelna gajih teh, cik ari urang di posisi mana ayeuna linggih?
Kira kira geus cukup can nya?
“Ah cukup teu cukup da ari duitmah loba beak, saeutik mahi” ceuk jang Karta bari rada jamedud.
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H