Ahok dan jakarte

Gue lahir di jakarte. Gue gede di jakarte. Gue sekolah ampe kuliah juga di jakarte. Sampe gue kerje juge di jakarte. Cuman atu yang gue kagak lakuin di jakarte. Gue kawin di luar jakarte.

 

Kagak tahu kenape. Mungkin pemude kayak gue udah kagak laku kawin ame orang jakarte. Akhirnya gue kawin same orang bandung yang walikotanye kesohor. Siape lagi kalau bukan ridwan kamil. Lebih kesohor lagi waktu bandung jadi tuan rumeh konferensi asia afrika.

 

Ngomong ngomong soal jakarte elo pasti udah pada tau kan gubernurnya. Galak! Baru kali ini kayaknya jakarte punye gubernur galak kayak ahok. Kalau ali sadikin masih hidup. Gue mau lihat tuh ahok sama ali sadikin. Gue kepengen tahu galakan mane hehehe.

 

Jakarte pasca jokowi jadi presiden makin rame. Ahok same anggota dpr berseteru. Masing masing ngerase paling bener. Akh kite mah cume bise liat aja tontonan yg buat rakyat kecil cuma bengong. Ape mau di kate masing masing keras kepale.

 

Akhirnye jakarte tetep aje macet. Pedagang kaki lime eh enem (entar gue itung dulu yak!) Udeh mulai banyakan lagi. Jakarte kagak bikin happy. Gue kagak nyaranin elu semue liburan ke jakarte. Kecuali elo udah siap. Siap ketemu macetnye jakarte. Siap naik bus transjakarte umpel umpelan dan siap nahan sabar kalau elu laper. Kenape? Tukang dagang lagi pade ngumpet tuh! Katanya ada ahok lagi patroli hihihi.