Pageblug, Ora Bisa Kerja Malah di-PHK Dadi Pada Nyongkeli Umahe Tangga

Jaman siki lagi ana pageblug, wabah penyakit sing arane virus corona gawe wong ora bisa bebas lelunga. Kudu ngerem ning umah bae, ora bisa kerja, malahan ana sing di Putus Hubungan Kerja (PHK). Padahal arane wong urip kuwe butuh duit nggo mangan saben dina.

Ning desaku siki bae wis akeh wong kemalingan motor karo duit, umah pada dicongkeli lawange terus di jikot bandane. Ana sing duit, tipi, motor karo kewan ternak. Pokoke mangsan pageblug kaya kiye malah raean kudu luwih nhati-ati jaga umah karo barang mbok di maling.

Motor ning parkiran ya ana sing ilang, padahal wis di kunci stang. Embuh malinge wong wis biasa apa wong anyar pengangguran timbang ora bisa mangan. Sing jelas jamane tambah medeni, genah kudu waspada karo Covid-19 lan maling juga.

Mau bengi ya nembe ana maling nyongkel lawang terus njikot duit ning lemari, malinge ngerti nemen ana wong ndelah duit ning lemari. Barang diselidiki jebul tanggane dewek sing maling, padahal kuwe wong biasa nukang bangunan malah siki kepaksa maling merga ora duwe pegawean. Akhire malah dadi susah keluarga maning, lagi ana corona mapah di penjara.

Ndeleng ning tipi ya medeni maning siki akeh begal, ora wengi ora awan kudu pada ngati-ati ning dalan. Wong tambah pada nekad merga pada butuh, langka pegawean dadi golet sing gampang walo carane belih bener. Muga-muga pageblug cepet sirna dadi menungsa balik pada bener maning, langka maling karo begal.

KBC-26 Brebes Jateng

Jateng Gayeng