Ceritaku Ndaki Gunung Kelud Via Karangrejo

Ing sawijining dina sing cerah, ing Gunung Kelud, sing misuwur amarga keindahan alame, dadi lokasi pendakian para pecinta alam. Nanging, ana kedadean tragis nalika aku lan kancaku mudun Gunung Kelud yaiku ana sawijine cah lanang saka Trenggalek, Jawa Timur. Tiba lan tatu nalika arep mudun gunung. Kedadean iki kedaden ing dina Minggu tanggal 27 Oktober 2024.

Cah lanang kasebut kepleset nalika arep mudun saka tembok ratapan kang medan arupa watu-watu gedhe kang memper gumuk lan butuh migunaake tali kanggo nglewati. Cah lanang kasebut tiba amarga mlayu saka dhuwur lan tiba mengisor tekan nyebabake tatu kang cukup parah ing sawantara area sirah, tangan, lan sikile. Banjur akeh pendaki kang nekani lan nakokake kahanane. Nanging, sayang banget ing antarane saka akeh rombongan pendaki iku, ora ana kang nggawa P3K, kalebu rombongan cah lanang kang tiba kasebut. Aku lan kancaku ngupakara ngrewangi pria kasebut karo nambani tatune migunaake P3K kang tak gawa lan rombongan pendaki liya uga melu ngrewangi ngekek i kaweruh wong basecamp kanggo nyuwun rewangan. Proses evakuasi ora gampang amarga kudu ngliwati medan andha, watu-watuan, lan pasir kang cukup lunyu. Panggon tiba kasebut ana ing dhuwur 1.700 meter, dadi tim kudu mlaku sawantara 2 jam setengah kanggo teka ing lokasi kasebut. Sawise ing lokasi, tim nggunakake tandu kanggo ngangkat lan nggawa dheweke mudun kanthi aman.

Saka kedadean iki iso dadi pengeling-elinn kanggo para pendaki supaya luwih waspada lan nyiapake awak kanthi becik sakdurunge mlebu dalan pendakian. Penting kanggo ngerti resiko lan cara kanggo nulungi supaya bisa nyegah tatu. Muga-muga kedadean iki iso dadi pelajaran kanggo kabeh pendaki supaya luwih ngati-ati ing alam bebas lan aja lali nyiapake P3K kanggo jaga-jaga amarga awake dhewe ora ngerti apa kang arep kedadean menyang ngarepe.

Cekap semanten crita pendakianku, nganti ketemu ing pendakian selajengipun!!