Oleh : Tanah Beta/A.M
Tahuti babunyi di ujung meti
Jujaro deng Mungare Tairis dalam nadi
Lia negeri manangis Mangiris hati
Sio ale, mari inga hatu mari
Jang biking Tamloiyo maraju
Lalu babanting muka jadi balagu
Maraju tanpa putus waktu
Sebab, jujaro-mungare bisa malang batu
Somba : Inga jua, sumpah orang tatua
Somba : Inga jua, suara para leluhur
Biar somba tar manganta lalu iris hati
Biar somba seng sia-sia di atas tanah Tuhaha
Mari, hatu mari su bari
Deng suara hati,
Lalu game ale deng beta par inga dir
Biar seng batingka deng biking dirii
Mari, hatu mari du badiri
Pangel ale, beta, deng suara tahuri
di ujung meti, sambil manyanyi
Game katong pulang kembali
Mari, hatu mari su badiri
Tada galombang deng angin mamiri
Lalu ale deng beta bajaga diri
Jang sampe katong lupa diri
Mari, hatu mari su badiri
Di atas Tuhaha pung jati diri
Deng nama Tamloiyo pangilan hati
Lalu ale deng beta bangun negeri
Biar orang tatua seng mangiri hati
Ambon, 08 April 2017
