ᮕᮍᮛᮥᮂ ᮙᮦᮓᮤᮃ ᮞᮧᮞᮤᮃᮜ᮪ ᮊᮔ ᮃᮚᮔ ᮊᮘᮥᮓᮚᮃᮔ᮪ ᮓᮆᮛᮂ
ᮕᮙᮊᮦᮃᮔ᮪ ᮙᮦᮓᮤᮃ ᮞᮧᮞᮤᮃᮜ᮪ ᮌᮩᮞ᮪ ᮑᮨᮘᮁ ᮓᮤ ᮞᮌᮜ ᮛᮥᮕ ᮊᮜᮍᮔ᮪, ᮘᮧᮂ ᮍᮧᮛ ᮘᮧᮂ ᮠᮩᮘᮩᮜ᮪ ᮞᮓᮚᮔ ᮊᮤᮝᮛᮤ ᮘᮧᮌ ᮙᮦᮓᮤᮃ ᮞᮧᮞᮤᮃᮜ᮪. ᮙᮛᮨᮍᮔ᮪ ᮊᮙᮏᮥᮃᮔ᮪ ᮒᮨᮊ᮪ᮔᮧᮜᮧᮌᮤ, ᮙᮦᮓᮤᮃ ᮞᮧᮞᮤᮃᮜ᮪ ᮌᮩᮞ᮪ ᮏᮓᮤ ᮠᮜ᮪ ᮝᮏᮤᮘ᮪ ᮃᮔᮥ ᮊᮥᮓᮥ ᮃᮚ ᮓᮤᮔ ᮅᮀᮌᮜ᮪ ᮌᮓ᮪ᮌᮨᮒ᮪ ᮔᮥ ᮓᮤᮕᮤᮘᮧᮌ ᮊᮥ ᮞᮛᮦᮛᮦᮃ. ᮏᮨᮔᮤᮞ᮪ ᮙᮦᮓᮤᮃ ᮞᮧᮞᮤᮃᮜ᮪ ᮒᮦᮂ ᮛᮥᮕ-ᮛᮥᮕ ᮕᮤᮞᮔ᮪, ᮙᮤᮙᮤᮒᮤᮃᮔ᮪ ᮒᮤ ᮝ᮪ᮠᮒ᮪ᮞᮕ᮪ᮕ᮪, ᮄᮔ᮪ᮞ᮪ᮒᮌᮢᮙ᮪, ᮒᮤᮊ᮪ᮒᮧᮊ᮪, ᮖᮎᮨᮘᮧᮇᮊ᮪, ᮏᮩᮀ ᮞᮏᮘᮔ. ᮙᮦᮓᮤᮃ ᮞᮧᮞᮤᮃᮜ᮪ ᮘᮨᮔᮨᮁ-ᮘᮨᮔᮨᮁ ᮍᮘᮔ᮪ᮒᮥᮃᮔ᮪ ᮅᮛᮀ ᮕᮤᮊᮩᮔ᮪ ᮊᮧᮙᮥᮔᮤᮊᮞᮤ ᮏᮛᮊ᮪ ᮏᮅᮂ ᮏᮩᮀ ᮙᮩᮔᮀ ᮄᮔ᮪ᮖᮧᮁᮙᮞᮤ ᮏᮩᮀ ᮘᮨᮏ ᮕᮍᮑᮁᮔ, ᮘᮧᮂ ᮒᮤ ᮏᮨᮛᮧ ᮔᮌᮛ ᮘᮧᮂ ᮒᮤ ᮜᮥᮃᮁ ᮔᮨᮌᮨᮛᮤ. ᮄᮔ᮪ᮕᮧᮁᮙᮞᮤ ᮄᮉ ᮌᮨᮓᮦ ᮕᮍᮛᮥᮂᮔ ᮓᮤᮔ ᮞᮌᮜ ᮛᮥᮕ ᮝᮤᮓᮀ, ᮙᮤᮙᮤᮒᮤᮃᮔ᮪ ᮒᮤ ᮕᮨᮔ᮪ᮓᮤᮓᮤᮊᮔ᮪, ᮊᮞᮦᮠᮒᮔ᮪, ᮇᮜᮠᮢᮌ, ᮊᮃᮞᮥᮕ᮪ ᮊᮔ ᮝᮤᮓᮀ ᮊᮘᮥᮓᮚᮃᮔ᮪. ᮊᮥᮙᮠ ᮕᮍᮛᮥᮂ ᮙᮦᮓᮤᮃ ᮞᮧᮞᮤᮃᮜ᮪ ᮊᮔ ᮃᮚᮔ ᮘᮥᮓᮚ ᮓᮆᮛᮂ? ᮠᮚᮥ ᮅᮛᮀ ᮘᮠᮞ᮪ ᮞᮜᮏᮨᮀᮔ.
ᮊᮘᮥᮓᮚᮃᮔ᮪ ᮏᮩᮀ ᮙᮦᮓᮤᮃ ᮙᮍᮢᮥᮕ ᮓᮥᮃ ᮠᮜ᮪ ᮃᮔᮥ ᮒᮩ ᮘᮤᮞ ᮓᮤᮕᮤᮞᮂᮊᮩᮔ᮪ ᮞᮘᮘ᮪ ᮙᮤᮘᮧᮌ ᮠᮥᮘᮥᮍᮔ᮪ ᮃᮔᮥ ᮞᮤᮜᮤᮂ ᮕᮒᮜᮤ. ᮘᮥᮓᮚ ᮞᮛᮨᮀ ᮙᮦᮓᮤᮃ ᮙᮍᮢᮥᮕᮤᮊᮩᮔ᮪ ᮊᮏᮤᮃᮔ᮪ ᮃᮔᮥ ᮍᮠᮞᮤᮜ᮪ᮊᮩᮔ᮪ ᮙᮤᮔᮒ᮪. ᮓᮚ ᮒᮛᮤᮊ᮪ ᮄᮉ ᮕᮨᮛᮨᮔᮂᮔ ᮓᮤᮔ ᮊᮥᮙᮠ ᮙᮦᮓᮤᮃ ᮒᮤᮃᮞ ᮙᮍᮛᮥᮠᮔ᮪ ᮘᮥᮓᮚ ᮞᮛᮨᮀ ᮞᮘᮜᮤᮊ᮪ᮔ. ᮘᮥᮓᮚ ᮃᮔᮥ ᮊᮥᮃᮒ᮪ ᮒᮤᮃᮞ ᮙᮍᮛᮥᮠᮔ᮪ ᮙᮦᮓᮤᮃ ᮓᮤᮔ ᮍᮠᮞᮤᮜ᮪ᮊᮩᮔ᮪ ᮉᮞᮤᮔ. ᮙᮦᮓᮤᮃ ᮙᮞ᮪ᮞ ᮇᮌᮦ ᮘᮤᮞ ᮍᮛᮧᮘᮂ ᮘᮥᮓᮚ ᮏᮩᮀ ᮕᮛᮤᮕᮧᮜᮂ ᮜᮧᮊᮜ᮪ ᮠᮤᮏᮤ ᮙᮞᮛᮊᮒ᮪ ᮞᮀᮊᮔ᮪ ᮊᮥ ᮃᮚᮔ ᮙᮦᮓᮤᮃ ᮃᮔᮥ ᮃᮚᮩᮔ ᮍᮨᮙ᮪ᮘᮀ ᮘᮤᮞ ᮍᮌᮙ᮪ᮕᮀᮊᮩᮔ᮪ ᮙᮞᮛᮊᮒ᮪ ᮕᮤᮊᮩᮔ᮪ ᮍᮊ᮪ᮞᮦᮞ᮪ ᮞᮌᮜ ᮄᮔ᮪ᮖᮧᮁᮙᮞᮤ ᮘᮧᮂ ᮒᮤ ᮏᮨᮛᮧ ᮔᮌᮛ ᮘᮧᮂ ᮙᮔ᮪ᮎᮔᮌᮛ.
(ᮓᮤᮎᮥᮒᮒ᮪ ᮒᮤᮔ ᮠ᮪ᮒ᮪ᮒ᮪ᮕ᮪ᮞ᮪://ᮇᮞ᮪ᮖ᮪.ᮄᮇ)
ᮓᮙ᮪ᮕᮊ᮪ ᮔᮦᮌᮒᮤᮕ᮪ ᮕᮙᮊᮦᮃᮔ᮪ ᮄᮔ᮪ᮒᮨᮁᮔᮦᮒ᮪ ᮓᮤᮔ ᮘᮥᮓᮚ ᮙᮞᮛᮊᮒ᮪ ᮍᮝᮨᮀᮊᮥ:
ᮍᮛᮧᮘᮂ ᮄᮓᮨᮔ᮪ᮒᮤᮒᮞ᮪ ᮘᮥᮓᮚ
ᮊᮥᮃᮒ᮪ᮔ ᮊᮘᮤᮃᮞᮃᮔ᮪ ᮄᮔ᮪ᮒᮨᮁᮔᮦᮒ᮪ ᮓᮤ ᮊᮜᮍᮔ᮪ ᮙᮞᮛᮊᮒ᮪ ᮘᮤᮞ ᮙᮍᮛᮥᮠᮔ᮪ ᮊᮔ ᮏᮒᮤ ᮓᮤᮛᮤ ᮠᮤᮏᮤ ᮘᮥᮓᮚ. ᮠᮜ᮪ ᮄᮉ ᮓᮤᮒᮤᮍᮜᮤ ᮒᮤᮔ ᮄᮔ᮪ᮒᮨᮛᮊ᮪ᮞᮤ ᮞᮧᮞᮤᮃᮜ᮪, ᮓᮤᮙᮔ ᮛᮥᮙᮏ ᮊᮤᮝᮛᮤ ᮼᮝᮤᮂ ᮛᮨᮞᮨᮕ᮪ ᮍᮌᮥᮔᮊᮩᮔ᮪ ᮘᮞ ᮌᮅᮜ᮪ ᮒᮤᮘᮒᮔ᮪ ᮘᮞ ᮓᮈᮛᮂ. ᮞᮇᮜᮂ-ᮇᮜᮂ ᮏᮒᮤ ᮓᮤᮛᮤ ᮘᮥᮓᮚ ᮄᮔ᮪ᮓᮧᮔᮦᮞᮤᮃ ᮒᮨᮛᮥᮞ᮪ ᮊᮊᮥᮞᮥᮒ᮪ ᮊᮥ ᮃᮛᮥᮞ᮪ ᮌᮣᮧᮘᮜᮤᮞᮞᮤ ᮏᮩᮀ ᮙᮧᮓᮨᮁᮔᮤᮞᮞᮤ, ᮊᮥ ᮊᮤᮒᮥᮔ ᮏᮒᮤ ᮓᮤᮛᮤ ᮘᮥᮓᮚ ᮄᮉ ᮜᮜᮅᮔᮔ᮪ ᮓᮤᮞᮤᮀᮊᮤᮁᮊᮩᮔ᮪.
ᮃᮚ ᮕᮑᮤᮙ᮪ᮕᮍᮔ᮪ ᮒᮤᮔ ᮔᮧᮁᮙ ᮞᮧᮞᮤᮃᮜ᮪ ᮏᮩᮀ ᮘᮥᮓᮚ
ᮄᮔ᮪ᮒᮨᮁᮔᮦᮒ᮪ ᮞᮜᮝᮞ᮪ᮔ ᮑᮓᮤᮃᮊᮩᮔ᮪ ᮄᮔ᮪ᮖᮧᮁᮙᮞᮤ ᮍᮩᮔᮃᮔ᮪ ᮒᮢᮨᮔ᮪ ᮕᮍᮑᮁᮔ, ᮜᮙᮥᮔ᮪ ᮞᮌᮜᮔ ᮓᮤᮒᮛᮤᮙ ᮊᮜᮝᮔ᮪ ᮔᮤᮜᮄ ᮔᮧᮙᮤᮔᮜ᮪ ᮒᮔ᮪ᮕ ᮑᮜᮥᮚᮥᮊᮩᮔ᮪ ᮊᮔ ᮔᮧᮁᮙ ᮏᮩᮀ ᮘᮥᮓᮚ ᮜᮧᮊᮜ᮪, ᮒᮀᮒᮥ ᮘᮊᮜ᮪ ᮍᮘᮜᮥᮊᮁᮊᮩᮔ᮪ ᮞᮤᮙ᮪ᮕᮍᮔ᮪.
ᮠᮧᮙᮧᮌᮦᮔᮤᮞᮞᮤ ᮘᮥᮓᮚ
ᮌᮔ᮪ᮎᮀᮔ ᮕᮍᮛᮥᮂ ᮘᮥᮓᮚ ᮓᮩᮍᮩᮔ᮪ ᮒᮤ ᮄᮔ᮪ᮒᮨᮁᮔᮦᮒ᮪ ᮘᮤᮞ ᮍᮘᮜᮥᮊᮁᮊᮩᮔ᮪ ᮎᮥᮜ᮪ᮒᮥᮛᮨ ᮞ᮪ᮠᮧᮎ᮪ᮊ᮪, ᮑ ᮆᮒ ᮊᮃᮚᮃᮔ᮪ ᮓᮤᮙᮔ ᮙᮞᮛᮊᮒ᮪ ᮌᮩᮞ᮪ ᮒᮩ ᮘᮤᮞ ᮔᮠᮔ᮪ ᮃᮞᮥᮕ᮪ᮔ ᮘᮥᮓᮚ ᮃᮞᮤᮀ. ᮠᮜ᮪ ᮄᮉ ᮒᮀᮒᮥ ᮍᮘᮜᮥᮊᮁᮊᮩᮔ᮪ ᮒᮩ ᮞᮄᮙ᮪ᮘᮀᮔ ᮘᮥᮓᮚ ᮙᮞᮛᮊᮒ᮪, ᮞᮁᮒ ᮜᮜᮅᮔᮔ᮪ ᮘᮊᮜ᮪ ᮙᮤᮔ᮪ᮓᮂᮊᮩᮔ᮪ ᮘᮥᮓᮚ ᮓᮆᮛᮂ ᮊ ᮘᮥᮓᮚ ᮓᮩᮍᮩᮔ᮪.
ᮓᮤᮔ ᮃᮕᮣᮤᮊᮞᮤᮔ, ᮞᮎᮛ ᮅᮙᮥᮙ᮪ ᮄᮔ᮪ᮒᮨᮁᮔᮦᮒ᮪ ᮙᮦᮛᮦ ᮜᮧᮘ ᮙᮀᮕᮃᮒ᮪ ᮓᮤᮔ ᮞᮌᮜ ᮛᮥᮕ ᮝᮤᮓᮀ, ᮞᮜᮂ ᮞᮠᮤᮏᮤᮔ ᮑᮆᮒ ᮊᮘᮥᮓᮚᮃᮔ᮪ ᮙᮞᮛᮊᮒ᮪. ᮙᮀᮕᮃᮒ᮪ ᮄᮔ᮪ᮒᮨᮁᮔᮦᮒ᮪ ᮓᮤᮔ ᮘᮥᮓᮚ ᮞᮧᮞᮤᮃᮜ᮪ ᮓᮤ ᮃᮔ᮪ᮒᮛᮔ:
ᮍᮜᮨᮞ᮪ᮒᮛᮤᮊᮩᮔ᮪ ᮘᮥᮓᮚ ᮍᮜᮤᮝᮒᮔ᮪ ᮙᮦᮓᮤᮃ ᮞᮧᮞᮤᮃᮜ᮪
ᮃᮚᮔ ᮄᮔ᮪ᮒᮨᮁᮔᮦᮒ᮪ ᮘᮤᮞ ᮓᮤᮌᮥᮔᮊᮩᮔ᮪ ᮊᮥ ᮙᮞᮛᮊᮒ᮪ ᮕᮤᮊᮩᮔ᮪ ᮍᮝᮨᮀᮊᮥ ᮏᮩᮀ ᮍᮙᮥᮙᮥᮜᮦ ᮘᮥᮓᮚ ᮓᮆᮛᮂᮔ ᮞᮀᮊᮔ᮪ ᮼᮝᮤᮂ ᮓᮤᮕᮤᮊᮝᮔᮧᮂ ᮞᮎᮛ ᮌᮣᮧᮘᮜ᮪. ᮍᮜᮤᮝᮒᮔ᮪ ᮙᮦᮓᮤᮃ ᮄᮉ ᮙᮞᮛᮊᮒ᮪ ᮘᮤᮞ ᮙᮤᮔ᮪ᮒᮧᮔ᮪ᮊᮩᮔ᮪ ᮊᮘᮥᮓᮚᮃᮔ᮪ᮔ ᮞᮎᮛ ᮼᮝᮤᮂ ᮏᮨᮙ᮪ᮘᮁ ᮏᮩᮀ ᮕᮢᮊ᮪ᮒᮤᮞ᮪ ᮞᮁᮒ ᮞᮎᮛ ᮒᮩ ᮜᮀᮞᮥᮀ ᮍᮏᮊ᮪ ᮙᮞᮛᮊᮒ᮪ ᮕᮤᮊᮩᮔ᮪ ᮒᮨᮛᮥᮞ᮪ ᮍᮜᮨᮞ᮪ᮒᮛᮤᮊᮩᮔ᮪ ᮘᮥᮓᮚ ᮓᮆᮛᮂ ᮃᮞᮣᮤᮔ.
ᮙᮩᮔᮀ ᮝᮝᮞᮔ᮪ ᮍᮩᮔᮃᮔ᮪ ᮘᮥᮓᮚ ᮓᮆᮛᮂ ᮞᮦᮏᮦᮔ᮪
ᮏᮜ᮪ᮙ ᮘᮤᮞ ᮍᮊ᮪ᮞᮨᮞ᮪ ᮄᮔ᮪ᮖᮧᮁᮙᮞᮤ ᮏᮩᮀ ᮓᮤᮃᮏᮁ ᮠᮜ᮪ ᮃᮑᮁ ᮓᮤ ᮝᮨᮝᮨᮀᮊᮧᮔ᮪ ᮞᮦᮏᮦᮔ᮪. ᮊᮥ ᮎᮛ ᮊᮤᮒᮥ, ᮕᮍᮝᮨᮛᮥᮂ ᮏᮩᮀ ᮝᮝᮞᮔ᮪ ᮙᮞᮛᮊᮒ᮪ ᮊᮔ ᮘᮥᮓᮚ ᮘᮤᮞ ᮒᮨᮛᮥᮞ᮪ ᮔᮙ᮪ᮘᮠᮔ᮪. ᮊᮥ ᮎᮛ ᮍᮙᮔ᮪ᮖᮃᮒ᮪ᮊᮩᮔ᮪ ᮝᮝᮞᮔ᮪ ᮏᮩᮀ ᮕᮍᮝᮨᮛᮥᮂ ᮃᮔᮥ ᮓᮤᮙᮩᮔᮀᮊᮩᮔ᮪ ᮒᮤᮔ ᮄᮔ᮪ᮒᮨᮁᮔᮨᮒ᮪, ᮙᮞᮛᮊᮒ᮪ ᮘᮤᮞ ᮙᮤᮊᮝᮔᮧᮂ ᮊᮘᮥᮓᮚᮃᮔ᮪ ᮓᮤ ᮅᮀᮌᮜ᮪ ᮓᮆᮛᮂ ᮒᮔ᮪ᮕ ᮊᮥᮓᮥ ᮍᮔ᮪ᮏᮀ ᮊ ᮆᮒ ᮓᮆᮛᮂ.
ᮏᮔ᮪ᮒᮨᮔ᮪ ᮊᮞᮨᮙ᮪ᮕᮨᮒᮔ᮪ ᮘᮤᮞ᮪ᮔᮤᮞ᮪
ᮍᮏᮌ ᮊᮨᮜᮨᮞ᮪ᮒᮛᮤᮃᮔ᮪ ᮘᮥᮓᮚ ᮒᮤᮃᮞ ᮌᮓᮥᮂ ᮓᮙ᮪ᮕᮊ᮪ ᮆᮊᮧᮔᮧᮙᮤ ᮏᮀᮊ ᮕᮔ᮪ᮏᮀ ᮕᮤᮊᮩᮔ᮪ ᮙᮞᮛᮊᮒ᮪ ᮅᮕᮙᮤ ᮓᮤᮃᮀᮌᮧ ᮜᮨᮛᮨᮞ᮪. ᮍᮌᮥᮔᮊᮩᮔ᮪ ᮄᮔ᮪ᮒᮨᮁᮔᮦᮒ᮪ ᮘᮤᮞ ᮙᮀᮕᮃᮒ᮪ ᮓᮤᮔ ᮙᮥᮊ ᮊᮞᮨᮙ᮪ᮕᮨᮒᮔ᮪ ᮘᮤᮞ᮪ᮔᮤᮞ᮪, ᮎᮧᮔ᮪ᮒᮧᮔ ᮑᮤᮉᮔ᮪ ᮓᮨᮞ ᮝᮤᮞᮒ. ᮊᮥ ᮊᮤᮒᮥᮔ, ᮞᮜᮤᮃᮔ᮪ ᮒᮤ ᮍᮜᮨᮞ᮪ᮒᮛᮤᮊᮩᮔ᮪ ᮘᮥᮓᮚᮔ, ᮙᮞᮛᮊᮒ᮪ ᮇᮌᮦ ᮘᮤᮞ ᮔᮙ᮪ᮘᮠᮔ᮪ ᮕᮀᮠᮞᮤᮜᮔ᮪ ᮍᮜᮤᮝᮒᮔ᮪ ᮙᮨᮊᮁᮊᮩᮔ᮪ ᮝᮤᮞᮒ ᮘᮥᮓᮚ. ᮊᮜᮚᮔ᮪ ᮕᮢᮧᮙᮧᮞᮤ ᮍᮜᮤᮝᮒᮔ᮪ ᮄᮔ᮪ᮒᮨᮁᮔᮦᮒ᮪, ᮆᮒ ᮘᮊᮜ᮪ ᮍᮓᮒᮀᮊᮩᮔ᮪ ᮝᮤᮞᮒᮝᮔ᮪ ᮞᮛᮨᮀ ᮔᮤᮀᮊᮒ᮪ᮊᮩᮔ᮪ ᮃᮏᮦᮔ᮪ ᮆᮊᮧᮔᮧᮙᮤ ᮓᮆᮛᮂ, ᮞᮥᮕᮓᮧᮞ᮪ ᮙᮞᮛᮊᮒ᮪ ᮒᮨᮒᮨᮕ᮪ ᮍᮏᮌ ᮞᮛᮨᮀ ᮍᮜᮨᮞ᮪ᮒᮛᮤᮊᮩᮔ᮪ ᮘᮥᮓᮚ.
(ᮓᮤᮎᮥᮒᮒ᮪ ᮒᮤᮔ ᮊᮧᮙ᮪ᮕᮞ᮪.ᮎᮧᮙ᮪)
ᮕᮢᮧᮙᮧᮞᮤ ᮘᮥᮓᮚ ᮃᮔᮥ ᮃᮚ ᮃᮔᮥ ᮓᮥᮌᮤ ᮊ ᮍᮌᮥᮔᮊᮩᮔ᮪ ᮙᮦᮓᮤᮃ ᮊᮧᮔ᮪ᮗᮨᮔ᮪ᮞᮤᮇᮔᮜ᮪ ᮊᮨᮓᮂ ᮜᮀᮞᮥᮀ ᮓᮤᮛᮧᮘᮤᮂ. ᮃᮚᮔ ᮒᮦᮊ᮪ᮔᮧᮜᮧᮌᮤ ᮄᮔ᮪ᮕᮧᮁᮙᮞᮤ ᮞᮛᮨᮀ ᮊᮙᮨᮊᮛᮔᮔ ᮊᮨᮓᮂ ᮓᮤᮛᮨᮞ᮪ᮕᮧᮔ᮪ ᮌᮔ᮪ᮎᮀ, ᮊᮥ ᮏᮜᮔ᮪ ᮍᮜᮊ᮪ᮞᮔᮊᮩᮔ᮪ ᮒᮨᮛᮧᮘᮧᮞᮔ᮪ ᮆᮀᮌᮜ᮪ ᮓᮤᮔ ᮕᮢᮧᮙᮧᮞᮤ ᮘᮥᮓᮚ. ᮙᮀᮕᮃᮒ᮪ ᮄᮔ᮪ᮒᮨᮁᮔᮦᮒ᮪ ᮙᮍᮢᮥᮕ ᮞᮜᮂ ᮞᮠᮤᮏᮤ ᮞᮧᮜᮥᮞᮤ ᮃᮔᮥ ᮘᮤᮞ ᮓᮤᮕᮊᮦ, ᮞᮜᮤᮃᮔ᮪ ᮒᮤ ᮙᮦᮓᮤᮃ ᮊᮧᮔ᮪ᮗᮦᮔ᮪ᮞᮤᮇᮔᮜ᮪ ᮏᮩᮀ ᮊᮌᮤᮃᮒᮔ᮪ ᮕᮨᮁᮒᮥᮊᮛᮔ᮪ ᮘᮥᮓᮚ. ᮙᮦᮓᮤᮃ ᮏᮨᮏᮛᮤᮀ ᮞᮧᮞᮤᮃᮜ᮪ ᮙᮍᮢᮥᮕ ᮞᮛᮔ ᮃᮔᮥ ᮕᮧᮠᮛ ᮈᮖᮨᮊ᮪ᮒᮤᮖ᮪ ᮕᮤᮊᮩᮔ᮪ ᮍᮙᮏᮥᮊᮩᮔ᮪ ᮘᮥᮓᮚ ᮄᮔ᮪ᮓᮧᮔᮦᮞᮤᮃ.
ᮎᮤᮒᮢ ᮊᮘᮥᮓᮚᮃᮔ᮪ ᮄᮔ᮪ᮓᮧᮔᮦᮞᮤᮃ ᮃᮔᮥ ᮓᮤᮕᮊ᮪ ᮊᮥ ᮒᮦᮊ᮪ᮔᮧᮜᮧᮌᮤ ᮞᮁᮒ ᮍᮌᮥᮔᮊᮩᮔ᮪ ᮙᮦᮓᮤᮃ ᮏᮨᮏᮛᮤᮀ ᮞᮧᮞᮤᮃᮜ᮪ ᮘᮛᮤᮞ᮪ ᮍᮛᮧᮘᮂ ᮎᮤᮒᮢ ᮏᮩᮀ ᮕᮔ᮪ᮓᮍᮔ᮪ ᮘᮥᮓᮚ ᮆᮒ ᮞᮧᮛᮍᮔ᮪. ᮓᮤᮔ ᮠᮜ᮪ ᮄᮉ, ᮘᮥᮓᮚ ᮘᮊᮜ᮪ ᮏᮔ᮪ᮒᮨᮔ᮪ ᮊᮻᮉᮞ᮪ ᮞᮛᮨᮀ ᮌᮚ ᮠᮤᮛᮥᮕ᮪ᮞᮁᮒ ᮜᮙᮥᮔ᮪ ᮊᮻᮉᮞ᮪ ᮏᮓᮤ ᮊᮊᮥᮃᮒᮔ᮪, ᮙᮀᮊ ᮊᮞᮓᮛᮔ᮪ ᮕᮤᮊᮩᮔ᮪ ᮍᮝᮔᮧᮂᮊᮩᮔ᮪ ᮘᮥᮓᮚ ᮄᮔ᮪ᮓᮧᮔᮦᮞᮤᮃ ᮊᮥ ᮌᮨᮔᮨᮛᮞᮤ ᮍᮧᮛ ᮘᮛᮤᮞ᮪ ᮜᮥᮙᮀᮞᮥᮀ ᮊᮥ ᮞᮧᮛᮍᮔ᮪. ᮒᮦᮊ᮪ᮔᮧᮜᮧᮌᮤ ᮄᮔ᮪ᮖᮧᮁᮙᮞᮤ ᮏᮩᮀ ᮊᮧᮙᮥᮔᮤᮊᮞᮤ ᮘᮤᮞ ᮏᮓᮤ ᮝᮓᮂ ᮕᮤᮊᮩᮔ᮪ ᮑᮨᮘᮁᮊᮩᮔ᮪ ᮄᮔ᮪ᮖᮧᮁᮙᮞᮤ ᮍᮩᮔᮃᮔ᮪ ᮊᮘᮥᮓᮚᮃᮔ᮪ ᮄᮔ᮪ᮓᮧᮔᮦᮞᮤᮃ ᮓᮤᮔ ᮝᮍᮥᮔ᮪ ᮔᮇᮔ᮪ ᮝᮆ ᮊᮜᮚᮔ᮪ ᮌᮙ᮪ᮕᮀ ᮏᮩᮀ ᮌᮔ᮪ᮎᮀ.
(ᮓᮤᮎᮥᮒᮒ᮪ ᮒᮤᮔ ᮠ᮪ᮒ᮪ᮒ᮪ᮕ᮪ᮞ᮪://ᮇᮞ᮪ᮖ᮪.ᮄᮇ)
