Kisah si Julak Rarau: Masuk Arab kaluar Cina

Dalam khasanah Sastra Indonesia tentu tidak hanya berisi sastra dalam bahasa Indonesia tapi susastra dalam bahasa daerah menjadi sumber inspirasi bagaimana suatu karya sastra dilahirkan. Dalam puisi juga kita mengenai tifa penyair dengan bahasa ibu dari daerah asalnya merefleksikan eksistensi susastra daerah.

Meskipun pengaruh bahasa Melayu sangat kuat dalam sastra Indonesia, tifa lagak gaya dan ragam bahasa daerah tidak dapat dipungkiri ikut mengisi khasanah susastra Indonesia. Bahasa daerah Banjar pada dasarnya adalah bahasa Melayu.

Berikut saya sajikan kisah bertutur dalam bahasa daerah Banjar dengan judul :

Kisah Si Julak Rarau : Masuk Arab kaluar Cina.

Pas tahun baru tadi, balum pukul dalapan, urang gin masih guringan tapi si Julak Rarau duduk ta-ungut mangalamun dimuka rumah. Bahanu pina takurihing kaingatan kalakuan lagi anum. Ka-ingatan pahian dibawa tulak ka Jakarta ba-dua wan Utuh Karas umpat acara parasmi-an Taman Mini Indonesia Indah.

Maklum urang kampung, sa-umur janang kada suah ka Banjar apalagi tulak jauh ka Jakarta. Himung banar kalo dibawa bupati ka Jakarta. Jadi, jauh hari Si Julak Rarau ba-rancana wan Utuh Karas amun sampai di Jakarta inya handak marasai naik lift. Jaman bahari lift hanyar tampai, adanya cuma di Hotel Indonesia.

Ringkas tutur ringkas kisahnya, sudah sampai ba-jalanan di Jakarta bubuhannya langsung manuju Hotel Indonesia atawa HI. Ada pang dua jam, lawas banar kalu si Julak wan Utuh Karas ma-itihi jauh jauh haja urang nang kaluar masuk Lift.

Rasa ta-nganga ma-mikirakan, malihat urang nang masuk lift bisa ba-ubah. Masuk urang arab kada lawas kaluar nang ba-hidung mancung bungkukan urang balanda. Masuk pulang urang Japang kada lawas nang muncul kaluar urang India. Masuk pulang urang Jawa kaluar urang China. He he he manusia bisa ba-ubah ubah kalu masuk lift tadi.

"iya kalu lih Lak" ujar utuh karas bapander wan si Julak.

Isuknya, pas Utuh Karas tulak sa-urangan kada wan si Julak tapi membawa bini malihat Lift di Ha-i. Dasar macal nang ngaran Utuh Karas. Pas badiri di muka lift tadi ba-laluai bini di juhungnya masuk ka-dalam lift pas lawang lift tutup. Tapi kanapa lawas banar lawang lift kahada tabuka. Utuh Karas manggatar.....takutan bininya hilang.

Ta-ungut, ta-duduk rasa manyasal banar kanapa ba-niat handak ma-ubah bini jadi urang cina nang bungas. Pina handak manangis ada jua si Utuh Karas, ka-lalawasan mahadangi bininya kada ka-luar jua. Kanapa lawas banar lawang lift kahada jua tabuka.