Panyandra

Panyandra iku tetembungan utawa ukara kang wis gumathok kanggo nyandra alam, satriya, ratu, perangane awak, solah bawa lan sapanunggale, jang adhapur pepindhan.

Tuladha:
Cabdrane alam (mangsa)
1. Mangsa Kasa; Sotya murca saka ing embanan; kekayon padha brindhil, gegodhongan padha gogrog (22 Juni - 1 Agustus = 41 dina)
2. Mangsa Karo ; Bantala Rengka, tundhane, kemah padha nela (2 Agust -  24 Agustus= 23 )
3. Mangsa Katelu; Suta manut ing  bapa, tundhane, lung- lungan padha mrambat ing lanjare/uwi, gadhung lsp.
(25 Agustus-17 September= 24 dina)
4. Mangsa Kapat; Waspa kumembeng jroning kalbu, tundhane, sumber padha pepet (18 September-12 Oktober=24 dina).
5. Mangsa Kalima; Pancuran emas sumawur ing jagad raya, tundhane, wiwit ana udan (13 Oktober-8 November).
6. Mangsa Kanem; Rasa mulya kasucian, tundhane, wohan padha nedhenge mateng (9 November-2 Desember= 42 dina)
7. Mangsa Kapitu, Wisa kentir ing maruta, tundhane akeh lelara, udan deres nggrejeh (22 Desember-2 Februari = 43 dina)
8. Mangsa Kawolu; Anjrah jroning kayun, kucing padha gandhik (3 Februari -28/29 Februari= 26/27 dina).
9. Mangsa Kasanga; Wedharing wacana mulya; tundhane, gangsur padha ngentir, bareng padha ngereng (1 Maret-25 Maret= 25 dina).
10. Mangsa Kasepuluh; Gedhong minep jroning kalbu, tundhane kewan padha meteng (26 Maret- 18 april = 24 dina).
11. Mangsa Dhestha; Setya Sinarawedi, tundhane, manuk padha glogoh/nyusuh (19 April - 11 Mei = 23 dina).
12. Mangsa Sadha; mangsa bedhindhing/adhem (12 Mei -21 juni = 41 dina)

Penulis : Suwaryo,  Purwokerto, Banyumas, Jateng.