Stenly Samangun
Gandong
beta lia akhir-akhir ini
katong pung indonesia ada banya luka
karna baku tuduh sapa batul, sapa salah
mana sanang lalu yang mana sengsara
gandong
katong itu indonesia
katong bhinkea tunggal ika
walau banyak budaya, suku, ras deng agama, tapi ale deng beta tetap satu yaitu indonesia
gandong
beta mau tanya
apakah beta harus palestina biar dibiling Muslim?
apakah beta harus israel baru dibilang Nasrani?
apakah beta harus sujud baru dibilang isalam?
apakah beta harus lipat tangan baru dibilang kristen?
kalo ale punya persaudaraan sebatas agama, bagaimana deng ale pung indonesia yang didasari bhineka tunggal ika?
bagaimana!
ingatang!
katong memang bukang saudara, sedarah dan sedaging
tapi katong su jadi keluarga
satu dalam pancasila
kalo beta tanya!
mana ale pung indonesia?
mana ale pung bhineka tunggal ika?
Maluku mana ale pung pela
Mana ale pung gandong
Mana ale pung Maluku
Ale harus kuat kaya sagu
mar jang lombo kaya lamet
ingatang bukang binatang!
Bineka tunggal ika
bukang boneka tulang ikang!
ingatang!
su talalu banyak luka
jadi jang ale biking duka
kalo katong ada susah
jang bale biking sangsara
Gandong e
katong dikenal dengan sebutan
Ambon city of Peace
Jadi beta mo bilang, please
jang biking hati ini tairis
deng ale punya pilihan yang ujung-ujungnya biking tumpa air mata deng tangis
Ale seng perlu jadi beta untuk dibilang saudara
ale juga seng perlu satu rahim deng beta untuk di bilang sedarah
ale cukup jadi maluku, cukup jadi indonesia, cukup jadi bhineka tunggal ika, dan ale harus jadi jembatan kedamaian
supaya satukan beta deng ale yang memang beda iman
damai itu indah kawan
mari saling baku jaga katong pung cinta
