Ale deng beta itu gandong
ale deng beta itu saudarah
jang laeng buang laeng
jang laeng kastinggal laeng
ale rasa
beta rasa
kalo ada susah
jang cuma sapu dada
ale deng beta itu ibarat
mama pung masakan
walaupun beda rantang
tapi katong tetap satu santang
baku sayang
la jang beda haluang
ada pesan dari beta for ale dong
yang muda-muda
ale masih muda seng?
kalo masih muda jaga mata
kalo masih muda jaga hati
jaga iman
asal jang ale jaga orang pung jodoh
ale yang masih mudah itu
beta hanya minta satu hal
jaga ale pung taman getsemani
ale itu manusia yang beradat
punya martabat
biar orang bilang apa par ale
ale itu tetap hebat
sodarah
beta cuma orang biasa
yang bisa panggel ale sodarah
hari ini katong keluarga seng?
sakarang ini ale deng beta gandong seng?
kalo katong gandong
berarti ale di beta pung pintu hati
bukan lagi teman atau beta pung sahabat
tapi ale deng beta itu su jadi saudarah
karena ale seng perlu sedarah
for jadi beta pung saudarah
ale deng beta memang bukan saudarah
sedarah dan sedaging
tetapi katong akan selalu
menjadi keluarga di dalam kesukaran
rumah tiga
8 mey 2021
Stenly Samangun
Follow Instagram @kompasianacom juga Tiktok @kompasiana biar nggak ketinggalan event seru komunitas dan tips dapat cuan dari Kompasiana
Baca juga cerita inspiratif langsung dari smartphone kamu dengan bergabung di WhatsApp Channel Kompasiana di SINI
