Iya enyong ngapak… ana apa jal…?

[caption id="" align="alignnone" width="320" caption="ilustrasi/google"][/caption]

Awit mbrojol sing enyong krungu bapane enyong ngapak

Awit enyong bisa mlayu sing enyong krungu tanggane enyong ngapak

Awit enyong mulai sekolah kancane enyong pada ngapak

Awit enyong mulai berantem ya karena enyong ngapak

Awit enyong belajar ngaji ustade enyong ngapak

***

Tengen ngapak, kiwa ngapak…

Nduwur ngapak, ngisor ngapak…

***

Pas ibuku ngejak ning pasar pada sing dagang ngapak

Pas bapaku ditilang, polisine ya ngapak

Pas aku di strap, pak salim guru BK ya ngapak

Pas aku di sidang ning kelurahan, Pak lurah’e ngapak

***

Alah…alah… ilat lan cangkeme enyong pokoke wis disetel ngapak

Ning jogja aku ngomong ngapak

Ning Jakarta aku ya ngomong ngapak

Ning bandung wong pada “lieur” aku ngomong ngapak

***

Enyong mbiyen aku ketemu Mr. Doughlas wong bule ngapak

Enyong sering tuku susu kacang ning koh A Siong sing ngapak

Enyong sering ketemu Nusrat kancane shah rukh khan sing ngomonge ngapak

Enyong protes “daning sampeyan ngapak?”

Enyong … Enyong … Enyong… Iya enyong ngapak… ana apa jal…?

***

Enyong pas nembak si ika anake bu manten ya ngapak

“Enyong demen karo koen” kuwe ai lop yu persi ngapak

Bisa ora yah engko yen ijab qobhul aku pengine persi ngapak

Dudu arab, dudu inggris, kiye aku wong ngapak

***

Wong ngapak dudu wong kenthir dadi ora usah isin

Wong ngapak dudu wong maling dadi ora usah wedi

Wong ngapak dudu wong aneh dadi ora usah rikuh

Wong ngapak dudu wong ora sopan dadi ora usah pekewuh

***

Sampeyan pada kudu bangga bisa ngapak

Sampeyan pada kudu seneng dadi wong ngapak

***

Ngapak adalah identitas

Ngapak adalah ngapak

Sing rumasa wong ngapak tapi ora ngapak berarti KTP-ne kudu diganti

Janganlah berhenti ngapak

***

Ngapaklah karena ngapak tidak menyebabkan kanker, impotensi, dan gangguan kehamilan dan janin.