Gurit Dinaku

Dak bukak mripat iki....
banjur ngucap asmaning Gusti,
Dak lakokake sikil iki....
tumuju ana ing banyu kang mili.

Dak kumbah tangan iki kang kebak dosa
Dak resiki rai iki saka reregeding donya
Dak kemoni tutuk iki saka akehing memala
Dak sirami kuping iki kang kebak swara kang nistha

Aku ngadhep Hyang Gusti
kanthi panjaluk kang suci
aku pasrah, sumarah
ing ngarsa Allah kang dak sembah

Aku nyenyuwun mugi Gusti paring ampun
marang kabeh tumindak kang ala
kaadohna saka godha lan papacintraka
lan kacedhakna ing slamet donya akhirat

AMIN

Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H