"Arek iki lho, Man. Biyen lak uireng ngunu, saiki malih putih ngene. Rambute biyen kriwul, saiki lurus apik ngene."
Diman nyawang layar henpone Arif sing dicedekno nang raine.
"Cemlorot ngunu raine."
"Ruesik ya. Sumpah, biyen arek iki nylekutis, uelek."
"Koyok malaikat, raine bersinar."
"Paidi saiki bangkrut, bojone enom njaluk pegat."
"Paidi sopo?"
"Bakul rosok, sing ngrabi prawan mari lulus SMA kae lho."
"Jare sopo?"
"Jare pesbuk. Bojone ben dino nyetatus. Saiki Paidi lumpuh, stroke, gak iso lapo-lapo. Anak bojone tukaran karo ibu tirine, rayahan bondo. Rame, dulur-dulure bojo enom gak trimo."
"Iku nang henpon tukarane?"