Oom Somara de Uci
Sore nu poek di tengah lembur. Di tungtung galengan sawah anjeun ngadeg, neuteup kuring. Diraksukan bodas pias diantara rewuan kembang malati jeung campaka. Beueus cipanon. Gumeter lambey anjeun ngarapal ngaran kuring dina lulurung tali batin. Langit di luhureun anjeun beureum euceuy. Mulasan sono, mulasan melang
Tutunggul batu jeung papan. Nanceb dina luhureun lemah. Jajap anjeun sore harita. Di dieu kuring rek ngarapal ngaran anjeun. Diawuran kembang malati jeung campaka. Lalambang sono jeung melang. Saawuran kembang jeung pangdunga. Geura ngimpi nu pangendahna salila anjeun sare panjang. Keur anjeun sawarga maniloka jeung parahiyang.
2011
Follow Instagram @kompasianacom juga Tiktok @kompasiana biar nggak ketinggalan event seru komunitas dan tips dapat cuan dari Kompasiana
Baca juga cerita inspiratif langsung dari smartphone kamu dengan bergabung di WhatsApp Channel Kompasiana di SINI
