Sedengkeun urang teh lain malaikat, urang mah jelema. Mahluk pang mulyana anu ku Gusti ciptakeun. Da geuning ngan jelema hungkul anu sanggup narima tugas hirup di dunya teh. Da nu liana mah teu sanggupen. Sieun meunang bebendu ti Gusti Allah. Bendu gara-gara kalakuan urang, kusabab urang boga nafsu. Nafsu anu bisa mengparkeun urang ti jalan anu geus digariskeun ti anggalna.
Ulah nunggu waktu deui, geura gura-giru. Lamun urang lain jalma anu deukeut jeung anu boga elmu hirup. Pamohalan urang bisa ningali kajadian anu bakal tumiba ka diri urang isukan. Geus anu enggeus mah tong dipikiran, da naon untungna atuh mikiranana. Ngadon ngalilieur utek wae, mending ayeuna mah mikiran kumaha carana supaya urang henteu tigejeblos kana kasalahan nu kamari.
Sok, geura bral, lakonan sagala nasehat kahirupan anu ti kolot, ti kyai atawa ti guru kahirupan. Lawan sagala nafsu teh ulah eleh. Lamun eleh, biasana bakal jadi patetelepa, ting karait. Hiji nafsu ngait ka nafsu anu lain. Usaha heula satakeur tanaga, ulah nyerah. Lamun geus usaha, tinggal pasrah urang kana hasil anu bakal tumiba. Tarimakeun wae, ucap syukur Alhamdulillah.
Buru geura Hudang!!!
Baca konten-konten menarik Kompasiana langsung dari smartphone kamu. Follow channel WhatsApp Kompasiana sekarang di sini: https://whatsapp.com/channel/0029VaYjYaL4Spk7WflFYJ2H