Apal da urang ge, pasti maraneh keur leutik resep Valentino Rossi anu sok balap tea di MotoGp. Heeh nu keur balap nateh kalakah nu divideona bujur si Rossi ning. Terus keur leutik mah ning sok resep lulumpatan, balap lumpat tea jeung babaturan, nu nepi paneuri budak nu gelo cenah. Berarti emang nya ti leuleutik keneh urang geus reuseup nu ngarana kompetisi, sulap salip babalapan dina lakon naon wae, boh dina heheureuyan boh dina kaayaan nyaan. Tapi nu jadi pertarosan, bener teu sih hirup teh emang jang dibalapkeun?
Cik urang tempo heula katukang, salila urang sakola dua belas taun, ditambah ayeuna opat taun, kawasnamah da hirup teh asa dituntut kudu wae meunang, kudu wae minimal sarua jeung batur. Anu ku batur meunang, urang oge kudu meunang, anu ku batur boga, urang oge kudu boga, anu ku batur bisa, urang oge kudu bisa.
Dipikir deui mah esensi hirup asa lain kitu da, cik pikir deui ku maneh nu maca, emang bisa disebut bener teu hirup model kitu teh? Kawasnamah asa jadi nambah beban pikiran da ari hirup kudu siga kitumah, meureun.
Sabenerna teu salah ari ngajadikeun pencapaian batur sangkan bisa jadi motivasi jang hirup urang sangkan jadi leuwih alus deui mah, ngan ari kudu sagala dibalapkeun wae mah atuh moal bagja nepika iraha ge.
Sanyaho urang, lamun keur mawa kendaraan boh motor atawa mobil, urang kudu netep dina jalurna, ulah nyokot jalur batur, mun nyokot jalur batur, bisa cilaka, nabrak. Sarua jeung kahirupan, urang geus boga jalan masing-masing, ayeuna lamun urang teu netep dijalan urang kalakah hayang nyokot jalan batur, hayang sarua jeung batur, mereun da sarua sistem namah bakal ka arah picilakaeun.
Iyeu urang ek berkeluh kesah hela ka pembaca, urang ninggali barudak lanceuk tingkat di kampus anu sawarehna geus wisuda, sawareh deui acan da loba pangedulan kuliahna. Terus aya nu nyeletuk ngomong ka babaturan urang anu acan wisuda. "Naha euy maneh meuni betah-betah teuing di kampus teh, tuh tempo baturmah geus wisuda baroga gelar, na ari maneh kieu wae." bari ngelepus udud garpit anu geus rek sapat kana kuntung.
Dipikir deui ku urang omongan si eta, heeh da urang hirup teh lain jang dibalapkeun wae atuh euy, proses si A jeung proses si B teu bisa disaruakeun. Pernah maca urang dina buku Rekayasa Sosial anu diserat ku Jalaludn Rakhmat, didinya dijelaskeun, lamun urang nganggap hiji proses bakal bisa sukses dikabeh jelema, eta ngarana logical fallacy, cacat pikir tah! Ngarana Fallacy of compesition.
Sok we ayeunamah urang renungkeun babareungan, sabenerna geus sajauh mana urang berproses teh jang kasaean sasarengan, sanes ngan saukur hayang nyalip batur hungkul. Da urang ge sarua lain so soan nulis tulisan iyeu teh, resah guling gasah nempo kalakuan jelema nu beuki kadieu beuki kaditu. Omat ah khususna jang urang umumna jang pembaca, hirup mah lain jang dibalapkeun, tapi jang dijalani dina jalan anu geus jadi jalanna masing-masing. Rahayu.
