laku prihatin dalane rumpil
ora ngambah dalan tol
ora gampang diambah sikil
dudu laku golek sipat kandhel
ananging lakuning jalmi nyuceni diri
nutup babahan hawa sanga
ngambah ara-ara samuning sepi
ngliwati segaraning rasa bosen
nrabas alasing rasa wedi
ngungkuli gununging kesenengan
ngeduni jurangin kesusahan
kancane ngelak lan ngelih
sedulure adhem lan ngantuk
sangu lan tekene donga pamuji
laku prihatin
lakuning jalmi mesu diri
napak tilas pada Dalem di
ngecakake wajibing bekti
nresnani pepadha lan Kanjeng Gusti
18.12.18
Beri Komentar
Belum ada komentar. Jadilah yang pertama untuk memberikan komentar!