Pas lagi pokusnye ma usahe nyari nafkeh, jumat kemaren jem setengah dua belas ane buru – buru nyimpangke mesjid nyang ade buat ibadeh solat jumat. Nyang biasenye bukan Romadon sepi ni mesjid, biase bulan pernuh berkah, jadinye rame,..Alhamdulillah, mudah – mudahan bertahan ramenye beres Romadon ntar.
Tapi kebetulan nyang kesekian ribu kali dialamin ane tiap jumatan, kagak Romadon atau bulan biase, kebetulan banget lagi tuh kotbah isinye kok nyerempet politik yak ? Biar tuh tokoh dalam kotbah ente disamarin kagak disebut name tapi didengerin dari awal aje udeh ngehujat, ngejelek – jelekin,...wadow !
Duh Tad,..maap ye,..tuh roman pas nyampein kotbah kok keliatan kayak orang kalap sih ?. Ape tadi waktu saur ente makan singa yak ?
Maap ye Tad, elmu agame ane kagak sedalem ciliwung nyang ente punya tapi ape kagak ade bahan kotbah lain nyang lebih sedep didenger ? Misalnye soal toladan Nabi SAW, para sahabatnye dll.
Maaf ye Tad,..