Puutaro: "Sialan kemaren gue kagak bisa aktivasi kartu perdana."
Mat Pengki: "Emangnye kenape?"
Puutaro: "Pas gue proses pakek SMS, NIK udah kagak bisa dipakek. Padahal gue belon pernah daptar. Ini pertama kali gue make hape. Pasti deh, ade orang jail nyang makek data gue."
Suatu pagi di lapangan futsal.
Puutaro: "Kenape lo blingsatan kayak begono?"
Mat Pengki: "Iye, gue mo kirim WA ke bini minta bikinin kopi karena sebentar lagi mo balik ke rumah. Tapi kaga bisa karena kuota data gue udah abis."
Puutaro: "Laaahhh."
Suatu malam di pos ronda.
Puutaro: "Eh Pengki, elo percaya kaga, pasangan Mat Baskom ama Kang Ember entu paling paporit buat pemilu 2024 loh."
Mat Pengki: "Entu data darimane?"
Puutaro: "Kate lembaga survei namanye Ngos-ngosan Consulting."
Mat Pengki: "Haaa??!"
