.
critamu
gawe kemecer
kepara malah bisa ngiler
.
woh
pelem ing dhuwur wit
rasane legi-kecut
seger
apamaneh
yen digawe rujakan
mangane wayah awan
jian tenan
enake rakaruwan
.
kamangka
wit-wit iku lagi kembang
nedheng mekar
.
jian tenan
lambene botoh pocongan
kembang wae
bisa mbok critaake
kaya wis nguwoh tenan
.
lamun
kembang bisa dadi woh tenan
nora bakal bisa muthik lan mangan
sing mateng wit
gemlamut swargane ilat
.
sepira
dawane gantarmu
pelem mateng wit
panggah wae codhot politisi
codhot pengusaha lan codhot pangwasa negara iki
kang nggagahi.
.
.Bojonegoro,10062014
