ceritenye pasti soal rakyat kecil nyang punye usahe makanan atawa barang nyang emang banyak orang pake
contonye soal makanan nyang biar warnenye cakep dikasi wantek, atawa biar awet tuh makanan dikasi bahan kimia
emang tuh bahan banyak mudaratnye timbang manfaat
kalo saye punya usul, kudunye tuh acara jangan disiari di umum, kasi ke dines, biar orang dines nyang ngatasin, pan die orang emang digaji (pake duit pajek nyang kite bayar lewat macem-macem ) buat ngerjain entu persoalan
coba bayangin, orang miskin nyang dagang makanan ade jutaan, dari dulu emang die orang udeh jualan nyang kayak begitu, lantas lantaran satu orang nyang bikin curang, tuh dagangan jadi kagak laku lagi (emak-emak pasti kagak ngasi anaknye jajan makanan nyang disiarin di entu tipi)
atawe biar seimbang, tampang orang nyang bikin curang jangan diburemin, biar orang pade tau kalo si fulan entu kagak jujur, biar pulisi nyang turun tangan
lagian juga kalo diperatiin, cuman dagangan orang kecil doangan nyang di ubek-ubek, perusahaan gede kagak pernah (atawe belon ? ) di'investigasi'
padahal kalo kate orang pinter, 'sektor informal merupakan basis ekonomi masyarakat yang tahan oleh berbagai krisis'
kalo 'basis'nye aje di oyok-oyok muluan bukan dibenahin,ape entu namenye bukan ngerubuhin ekonomi negara ?
