Peringatan Produk :
Penulis hanya menulis ulang naskah ini. Cerita dalam berbagai bahasa dan isi dan tema serupa telah tersebar di media dan alat komunikasi. Kreatornya belum diketahui. Semoga amalan kreatornya mendapatkan balasan yang setimpal.
--------------------------------------------------------------------------------------------------------------------
Sugeng Sonten Kompasianers
Ing sakwijining dina, Densus 86 Anti Tekor nampa laporan saka Satpam ing pusat perbelanjaan Singosaren Solo. Ana tas kresek warna ireng mencurigakan ning jero kardus mie instant, semeleh ana ing pojokan parkiran. Nanging Kompol Gatot, komandan densus sing bertugas lagi pamit ijin lara diare, lan pasukan senior liyane lagi ngewangi Reserse ngoyak penjahat liya. Isih ana prajurit penjinak bom yunior sing tugas piket, yaiku Bejo, langsung "mak klepat" meluncur ke TKP.
Ora nganti 15 menit, Bejo tekan ning Singosaren. Ora nganggo copot helm, langsung mlayu ning lokasi bungkusan. Kompol Gatot wis siap standby ning handphone, video conference, sambi ndhodhok ning WC, menehi instruksi kanggo anak buahe.
Gatot (G) : Halo, iki sapa sing nyekel handphone?
Bejo ( B) : Bejo ndan.., pripun sampun mantun dereng mulesipun ndan? Kok ambune dugi mriki..
G : Gundulmu! wis rasah gojek. Piye wis mbok bukak pakete?
B : Sampun ndan, rakitan mid-explosive, dibungkus pipo. Trigger ipun handphone, disambung kabel warna-warni, diiket tas kresek isine paku lan gotri. Kantun 10 menit ndan! Siap menerima instruksi!
G : Ya ampun, niat jebule sing arep. Wis ndang diresiki lokasi ne..!
B : Waduh ndan, kula kesupen mbeto sapu, kemoceng lan gombal pel.
G : Guoblok! maksude aja ana sing cedak-cedak karo bom kuwi sakliyane kowe Dul!
B : Lhapan Anam, ndan..
-----------------------
B : ndan, sampun lokasi sampun clear! Siap menerima instruksi!
G : oke, kethok kabel sing warna langit kae !
B : Siap ndan!..sampun...
G : Wis mati durung?
B : Dereng...Siap menerima instruksi!
G : Oke, saiki kabele warna opo wae?
B : Abang Kuning Biru Ndan!
G : Lho sing mbok kethok mau kabel warna opo?
B : Ijo Ndan..!
G : Semprul! Ning ngendi-endi warna langit kuwi ya biru !
B : Wah ning ndeso kulo Ijo ndan...Ngendikane eyang, langite ketutupan Buto Ijo
G : Koplak! Simbahmu rak tau sekolah po piye?
B : Lha banjur kepripun punika mbah?..( netes luh karo deg-degan) Siap menerima instruksi!
G : Yo wis, ndang dibongkar handphone nganggo drei !
B : Ndan, garansi nipun rusak mboten nopo-nopo ndan?
G : Kenthir! Iku kan dudu handphone mu, kuwi duwene teroris!!
B : Lumayan ndan, Samsung Galaxy S3..
G : Yen ora mbledhos gawanen mulih..
B : waduh ndan.. timer ipun mlumpat kantun 30 detik ndan! Pripun punika ? Siap menerima instruksi!
G : Lha kuwi handphone mau mbok kapak ne?
B : Kula copot batere ne malah timere tambah cepet, pripun niki ndan? ( tambah panik )
G : Wis-wis rak sah panik..iku berarti nganggo timer cadangan..
B : Pripun niki ndan?
G : Oke-Oke, Siap menerima instruksi ?
B :Lhapan Anam Ndan! Siap menerima instruksi!
G : saiki tiru omongan ku ya, Bismillaahirrohmaanirrohim..
B : Bismillaahirrohmaanirrohim..
G : Asyhaduallaa Illaa Hailaallaah, Wa Asyhaduanna Muhammadarrasulullaah"
B : ???!!!!!???
---------------------------------------------------------------------------------------------
Ayo menulis bahasa daerah anda masing-masing!
----------------------------------------------------------------------------------------------
