sebelonnye maap nih udah lama kagak ngejogrog di mari... ampe akun email aye kagak belaku lagi alias ditutup ame nyang punye email... alhasil, aye kudu bikin lagi dah ni akun di mari. Sebelonnye akun aye bename Matroji Bin Sabeni, nah sekarang Matroji Sabeni. Same aje sih...
aye cuman mao ngopenin abang2 ame mpok2 di mari ame ngasih tau akun baru ane ini. Niatan dulu ngeblog di mari cuma mao bagi-bagi cerite di kampung aye di taneh betawi tercinte 'ni. maap juge nih kalo bahase nyang aye pake begini, ya itung-itung ngelestariin bahase betawi nyang udah kegerus ame jaman.
segitu aje, deh... Kita nyambung lagi entar, aye mao masukin ayam dulu nih udah sore masih pada ngayap belon pulang.
wassalam
