"perasaaan same siape bang?", tanya bu sumi sambil nge-goreng tempe.
"nntuu.. si gayus.. pan die kabur lagi.."
"lahh.. ape hubungannye die kabur ame perasaan elu bang.. sodara bukan.. temen juga bukan.. ". samber bu sumi
"begini neh.. waktu die kabur ke bali pan die pake name samarannye same ame sekarang..", bahlul memulai penjelasannya sambil mengambil tempe yang baru digoreng.
"nama samarannye apaan bang? maklum.. gue kagak ngikutin berita.. males aje.. mending nonton OVJ tiap malem.. ".
"payah lu ah... kagak gaul".
"nama samaran die tuh.. sony laksono.. nah.. die tuh kemarin kabur lagi ke luar negeri pake name samaran yang same. dulu waktu die kabur ke bali, gue udah punya firasat kalo ntar-ntar die kabur lagi..".
"firasat ape bang?". tanya bu sumi sambil matiin kompor.
"firasat kalo die bakal kabur-kaburan lagi...". kata bahlul dengan entengnya.
"sok teu lu ah.. emangnye lu ki joko bego ape?". bu sumi ngelemparin tisu ke bahlul.
"yeee.. gini-gini juga gue kagak kalah ame si bego itu..".
"emang firasat lo apeeee....??", jibir bu sumi
"gini neh.. dengerin.. berdasarkan name samarannye aje gue udeh tau kelakuannye.. SO..NY.. LAK..SO..NO.. harusnye tuh pejabat polisi juga udeh tau.. ape lagi yang namenya ahli kriminologi.. die kudu udeh tau berdasarkan name nntuu.." jelas si bahlul panjang lebar yang membuat bu sumi mengernyitkan keningnya yang udah agak kriput.
"maksudnye.. ??"
"lahh.. dilihat dari susunan kate per kate name die.. LAK..SO..NO.. udeh keliatan dEh.. kalo die tuh suke ke SONO-SONO alias pergi jauh.. coba kalo die punye name SONY LAKSINI... gue jamin die kagak kabur.. paling-paling die diSINI-SINI aje.. gittuuu... hahahaha...", tawa si bahlul yang puas ngerjain bu sumi sampai terbengong-bengong.
"jiaaahhh... dasar lo bahlull... bahlul .. hahaha..".
