Esuk uthug-uthug njaluk diterke bojone menyang Ngalun-alun golek degan-ijo.
Rasane ati banjur kepenak: ngombe degan sinambi nyawang Alun-alun negara, sing Saiki wus malik dadi alun (ombak) maneh, dudu ara-ara samun papane begal LAN duratmaka.
Rampung sa degan, Petruk ngajak bojone mlaku-mlaku.. nek cah saiki yo diarani: yang-yangan.
Nadyan wes tuwek, Ning mesrane ora oleh kalah no dibandhingke karo sing muda-beliya
"Ayo, beb ..tak ajak ndelok Mesjid Gedhe. Ya mesjid Keprabon, utawa mesjid Kasultanan Ngayogyakarta Hadiningrat. Mumpung lagi rame-ramene cah-bocah dikon nganggo klambi kejawen, muni.ne nggo mengeti Dina keistimewaan.."
"Nggeh, masKoe" , saur.e mbok wedok.
Wong loro mlaku Karo gandhengan-tangan.
Ana wong dodol kue leker, gage di-ndeg: "Dhe, tumbas Lekker-e nggeh, 10ewu wae"
Wong loro banjur neruske laku, nyawang mesjid yasa.ne Ngarsa Dalem ka.1
Mlebu neng pekarangan njero, Petruk nerangke arsitektur lan filosofi seka nduwur wuwungan nganti tekan blumbangan. Ngecuprus karo kriyak-kriyuk mangan lekker-pisang.
Basan wes dirasa cukup, banjur metu pekarangan mesjid, karep.e arep foto-fotonan neng ngarep CALON bangunan warisan duniya iki.
Basan Nemu ana prasasti anyar, neng tembok mesjid Gedhe, gage arep nggaya neng sandhing.e.
Ning...
Koq ya ndilalah... Petruk sing biasane gemi yen rama Semar paring wucal, krasa ana sing janggal maca prasasti anyar Iki.
"Weee... Blai ane, ketiwasan rama Semar!!! Ketiwasan ndara Janaka ...!!!"
Petruk ora nesu. Uga ora malik dadi ratu amarga ngasta Jamus Kalimasada..
Esuk iki Petruk ngajak bojone bali, kathi ati kang cuwa.
