Ngimpleng ngapung ka kampung
Caangna layung
Di lamping gunung
Lembur kuring nu subur
Rea ngumpul batur sadulur
Seger angin ngahiliwir
Hawa tiis nyiwitan kulit
Ngagenclang cai susukan
Walungan tempat barudak kokojayan
Mojang mojang nu marencrang
Umat imut ngahaleuang
Sawah eces karoneng
Pare asak meujeuh dipanen
Kulawarga ngahimel ku dahareun
Sempal guyon balakecrakan
Dina wanci haneut moyan
Ti jauh katempo
Gawir nu harejo
Barudak reuay garupak
Guyang ku taneuh ledok
Patani naplok
Munding anteng ngagateng
Hariring cangkurileung
Angkleung
AngkleungÂ
