Sing jenenge arek nom jaman taun sak monoan lak biasane gak iso meneng tah, opo neh nek malem mingguan. Nek gak dolan karo koncone, gitaran nganti isuk, sambi ngombe topi miring campur autan eh maksudku ngombe legen karo mangan gorengan. Iku nek arek model EGP alias Emangnya Gue Payu. Nah modele Soekaspo kui yo koyo ngono, saben malem minggu penggaweane dolan karo koncone sing jenenge JePe (gak ate embel-embel Pieterszoon Coen, koyo juragan kumpeni). Nek tanggal nom yo tuku bensin sak tengki trus munyer - munyer Suroboyo sak kemenge (maksud e kemeng nyurung nek bensine entek). Nek tanggal tuek gak nduwe duik yo paling cangkruk ndik jomplangan spoor ngitungi munine spoor liwat "gejes gejess.... gejess gejess....".
Lha critane, iki mung crito lhooo..... gak percoyo yo gak masalah, pokok sak marine ujian. Eh ojo ujian ding, mengko diarani arek kuliahan, genti wae dadi sak marine rapotan. Lha wong rapotan oleh rengking sitok lak kudu dirayake tah, masio rengking sitok nek diitung soko mburi. Arek loro kui pengen njajal acara malem mingguan sing seje karo biasane. Spesial occassion, ngono jare.
Soekaspo : Pe, koen eroh tah jare ndik bunderan Waru ono penampakan memedi?
JePe : Mosok seh? Koen kok saiki ngomong2 perkoro memedi, atene dadi dukun golek nomer tah? Opo atene madake dapuranmu?
Soekaspo : Matamu Pe. Serius ki, iki jare koncoku lhooo.... jareeee. Wingi pas jemuah kliwon kok critane koyo seru banget ndik kono. Yo opo nek mrono? Golek variasi lah, bosen aku gitaran gak pinter2. Palingo tonggomu yo wis keentekan gelas karo piring nggo nyawati awak dewe nek ribut gitaran tengah wengi.
JePe : Karepmu wis. Pokok awakmu goleke silihan sepeda. Sepedaku bengsine entek.
Soekaspo : Tenang Pe. Perkoro bengsin wis beres lah. Iki ono bengsin sak jrigen.
JePe : Tumben. Kok sugih koen? Mari bayaran tah?
Soekaspo : Bayaran opone. Ben isuk nek awakmu isih turu, bengsine sepedamu tak colongi sak botol. Nyoh tak baleke....
JePe : Jia.....ling *sensor, gak oleh mesoh c*k*
Singkat critane, pasangan argobel (arek golek beling) kui meluncur nang Waru lewat tengah wengi. Jaman taun sak monoan, sing jenenge bunderan Waru suepi puoollll..... blasss ga ono opo-opone, tapi nek disawang sing tenanan sakjane ono opo-opo. Horohkono bingung tho. Mak jegrek, sepedae dititip ndik warung cedhak terminal trus mlaku ngalor.
JePe : Ndik kene tah nggone? Kok gak ono opo-opo? Wis sejam kene cangkruk ndik peteng-petengan, kok gak ono opo-opo seh?
Soekaspo : Iyo yo, padahal bengi iki kliwon lho. Opo koncoku ngapusi yo? Enteni sik ae. Nek nganti isuk gak ono opo-opo, kene moleh ae.
JePe : Ehh.....sstt.... muni opo kui kemresek *jare JePe bisik - bisik*
Soekaspo : Ssst..... menengo sik. Jangkrik.... ojo umek ae tah, lapo awakmu jawil - jawil? *Soekaspo yo melu bisik - bisik*
JePe : Dudu aku c*k. Koen yo lapo jawil - jawil? *JePe bisik - bisik sengit*
Soekaspo : Aku yo gak njawil c*k.
Gak let suwe......... ciluk baaaa........ Ndik mburine pasangan argobel kui ono bencong sing dandanane gak jelas. "Cari apa masss......", jare benconge nganggo suara sing cempreng mendayu - dayu.
Sekian........
Horor absurd ini dipergunjingkan oleh @koplakYoBand
