Sing jenenge arek cilik nek karo kewan lak biasae sayang banget tah. Koyoto jamanku cilik bien, nek sedino gak nguber - nguber pithike tonggo rasane yo opo ngono. Lha ndik crito iki, iki mun critane lhoo..... dudu tenanan, ono arek sing jenenge JiPi nduwe kirik jenenge Glewor. Nah, saben dino si JiPi iki nek gak dolanan karo kirik kesayangane yo dolanan karo kancane sak sekolan sing jenenge JePe. Isuk iku......
JePe : Pi, eh aku pengen lungo ndik deso sebelah. Tembak - tembakanku kentekn doblis. Koen melok tah?
JiPi : Melok Pe, eh tapi aku ngejak si Glewor oleh gak? Sepedamu lak ono kranjange, selehen kono ae cekno gak playon dewe.
JePe : Sip. Tapi budhale awakmu sing nggenjot, mulihe awakku sing digonceng *iki janjane trik tipu daya kelas alien*
JiPi : *ndlongop sedilut gak iso mikir* Yoh wis. Eh.....sik tha lah, mau yo opo jaremu?
JePe : Halah kesuwen. Ndang budhal. Nyoh kirikmu......
Jepe nguncalke si Glewor ndik kranjang sepedae. Trus arek loro iku budhal ndik deso sebelah. Lha sing jenenge kirik opo yo iso meneng, mesti obah sak karepe dewe. Ndilalah si Glewor mencolot soko kranjang, mlayu ngudak kucinge tonggo sing wulune brondol kabeh kakean tawur karo kucing liane.
JiPi : Wor.... Glewooorr..... Awaaasss....
Ndilalah ono montor lewat banter pas Glewor ngudak kucing. Jipi ketenggengen pas nontok kirike keplindes montor nganti dadi perkedel. gak let suwe JiPi langsung nangis gerung - gerung nangisi kirik kesayangane.
JiPi : Worr.... Glewoor.... haduuh... lapo tho awakmu dadi perkedel ngene? Sopo maneh sing tak jak dulinan saben isuk?
JePe : Wis tah lah Pi, njaluk tukokno kirik anyar wae. Si Glewor lak wis matek, tanduren ae ndik ngisor wit pelem umahku cekno peleme ndang nguwoh. *Jan-jane iki si JePe pancene mikiri pelem tok*
JiPi : Tanduren ae kampesmu dhewe !!! Gak eroh tah nek aku sayang banget karo si Glewor *JiPi isih mimbik - mimbik nangisi si Glewor*
JePe : Hmmm.....*mingkem. sakjane pengen ngaplok si JiPi mergo disentak*
JiPi : Wooorr.... ndang tangi.... mene tak tukoke pitik mak di wis, lak awakmu seneng tenan karo pitik goreng mak di
JePe : Mat**e.... aku ae gak tau ditukoke, iki malah kirik sing mangan pitik mak di *JePe mbatin*
JiPi : *isih mimbik - mimbik*
JePe : Pi, ngene ae. Aku tau krungu jare ndik puncak bukit kono ono kuburan kirik ket jaman kolobendu. Nek jare wong ndeso sebelah, nek kirik mati dikubur ndik kono mene iso urip neh. Tapi bar urip senengane mbrakotan. Sembarang kalir dibrakoti nganti ban spoor yo dibrakot *iki sakjane hiperlebay* Yok opo nurutmu?
JiPi : Tenane Pe? Yo wis gak opo - opo. Pokok si Glewor iso urip neh.
Wuuusss..... arek loro kui langsung ngebut ndik kuburan kirik sing dicritani karo si JePe. Singkat critane si Glewor dikubur ndik kono trus sore iku arek loro kui langsung muleh ngomah.
Mene isuk, JePe isih kriyip - kriyip diceluk karo ebese.
Ebes : Peeeee..... telpoooooonnnnn *ebese JePe mbengok ndik kupinge Jepe*
JePe : *glodagh grobyak gdusrak* Hello..... is it me you looking for? *konangan nek sing mulis angkatan 80an*
JiPi : Pe tenan Pe kirikku urip maneh. Iki dekne lagi mbrakoti panganan sembarang kalir nganti kabeh panganan entek.
JePe : Tenane? Padahal aku mung krungu - krungu tok lhoo.... *JePe krungu munine kirik*
JiPi : Tenan Pe... Pe.... Pe... tulung Pe.... tulungi aku..... aku dibrakoti si Glewor.... aaaaaahhhhh *abab e mambu*
JePe : Piii....? halloooo???
JePe langsung merinding........
kirik horor ini ditjeriterakan oleh @koplakYoBand
