Lahir sareng ageung di Pare-Pare Sulsel. Bapana teureuh atawa katurunan Gorontalo, ti Bone Bolango, ibuna ti Yogyakarta.
Mangsa rumaja jeung pamudana diseepkeun di Bandung.
Sakolana oge di SMA Kristen (SMAK) Dago, Bandung. Jelas toleransi-humanisme sarta kuatna kana kayakinan (iman islam) tos dicontoan ku Pa Habibie.
Teras kuliahna di UI cabang Bandung, ITB ayeuna mah. Saalmamater sareng Bung Karno.
Nikah sareng Bu Ainun oge nya di Bandung. Resepsina di Hotel Preanger, peuntaseun Hotel Homan tea, Jl. Asia Afrika.
Leupas tina kontroversi sual Timtim, rea pisan jasa Pa Habibie teh.
Salian melesatna teknologi di Indonesia, oge basa 1998 bisa neken deui dollar, tina 15.000 jadi 7.000. Nu mawi dipasihan gelar "Mr. Economic".
 Lain perkara gampang eta di satengahing resesi dunya sarta kondisi di negeri urang seueur bancang pakewuh.
Ngabebaskeun para tapol. Di antarana Sri Bintang Pamungkas, dosen Fisipol UI nu ngiritik Pa Harto jeung Mukhtar Pakpahan, tokoh buruh tea.
Ngadegkeun ngumpulkeun para intelktual dina wadah ICMI bari naratas terbitna koran Republika.
