Mrenthul kembange
Ngelingake tetes bening
Luhmu
Nalika aku lungo
Merantau golek panguripan
Rezeki ingkang becik
Sepiro suwe
Tansah eling
Tansah emut
Tambah kangen kembang desa
Tunggul wulung kampung sing daktresnani
Ananging sewu kutho
Sewu janji
Semono suwe
Aku ora bisa bali
Urip neng kutho prasasat sengsoro
Tanpa esemmu
Tanpa kopi anget pas gula
Racikan tangan elokmu
Pahit brotowali panguji diri
Sampai telung riyaya
Aku ora bisa bali
Panen pari kangen
Neng sawah terasiring hati
Kebak anakan iwak lucu
Sing mubeng welas asih
Ning byar mripatmu
Sing koyo srengenge
Ora tau aslup
Tan hana grahana
Sampai aku ora bisa mbelani
Sliramu
Wektu dijodokke karo pak Kadus
Aduh kemboja kuning
Ingkang elok wangi
Pangunjoro atiku
Ampuni aku
Nyuwun palilahmu
Ora sanggup mertahanke
Benteng tresno sejati kita
Hamung kopi pahit
Kembang kemboja layu
Kanca setyo tuhu
Ngancani uripku
Tanpa srengenge tresna
sliramu
Kemboja kuningku
